Արեւմտյան մամուլն անդրադարձել է Սիրիայից ռուսական զորքերի դուրսբերման հնարավոր պատճառներին

Սիրիայից ռուսական զորակազմի հիմնական մասը դուրս բերելու Կրեմլի որոշումը զարմացրել է արեւմտյան վերլուծաբաններին եւ հրապարակախոսներին։ Հետեւանքներից ավելի շատ նրանց հետաքրքրում է նման անսպասելի քայլի պատճառների որոնումը, փոխանցում է ՌԲԿ-ն։

Արեւմտյան մամուլի համար Վլադիմիր Պուտինի որոշումը բացարձակ անսպասելի էր, ինչը վերլուծաբաններն ու սյունակագրերը բազմիցս նշել են իրենց հոդվածներում։ The Wall Street Journal-ը գրում է, որ դա անակնկալ էր ամերիկյան իշխանությունների համար։ Բայց ամեն դեպքում, Վաշինգթոնը գլխի էր ընկնում, որ Կրեմլը կարող է նման քայլի դիմել։

Վաշինգթոնում պարբերականի աղբյուրների փոխանցմամբ՝ վերջին ժամանակներս տեսանելի էր, որ ռուսական զորքերը տեխնիակայի ռոտացիա չեն իրականացրել Սիրիայում իրենց բազաների միջեւ։ Հակառակ դեպքում դա կվկայեր երկարաժամկետ ռազմական  ներկայության մասին։

Politico վերլուծական պարբերականը նույնպես հիշեցնում է Բարաք Օբամայի՝ The Atlantic կայքին տված վերջին հարցազրույցի մասին, երբ ԱՄՆ նախագահը հերթական անգամ կրկնել էր այն միտքը, որ Ռուսաստանը Սիրիայում շատ հեռուն է գնացել եւ ռիսկի է դիմում խորանալ ցնցումների մեջ։

Եվրոպական դիվանագիտությունում WSJ-ի աղբյուրները հայտնում են, որ վերջին 2 շաբաթվա ընթացքում Ռուսաստանի ՌՏՈւ-ն հաճախակիացրել է ԻՊ դիրքերի վրա գրոհները միայն այն պատճառով, որ նախքան այդ հաջողությամբ օգնում էին Սիրիայի առաջնորդ Բաշար Ասադին թուլացնել զինված ընդդիմությանը։ Հիմա արեւմտյան դիվանագետները մտահոգություններ ունեն, որ Կրեմլը ԱՄՆ-ին առաջարկ կանի, որից հնարավոր չի լինի հրաժարվել. համատեղ ուժերով պայքարել իսլամական արմատականության դեմ, դրա տակ նկատի ունենալով Ասադի ռեժիմին լուռ աջակցելը։

Բացի այդ, Eurasia Group-ում WSJ-ի անանուն աղբյուրները հայտնել են, որ զորքերը դուրս բերելու Պուտինի որոշումը ազդակ է հենց Ասադին, որ անհրաժեշտ է ավելի ակտիվ մասնակցել ընդդիմության հետ բանակցային գործընթացին։ «Կարճաժամկետ նպատակը մասնակի իշխանափոխությունն է, իսկ երկարաժամկետ նպատակը վերաբերում է բարեփոխումներին եւ վերընտրություններին»։

Bloomberg-ի սյունակագիր Լեոնիդ Բերշիդսկին ընդհակառակը կարծում է, որ Ռուսաստանը իրականում չի պատրաստվում Սիրիայում ռազմական ներկայություն ապահովել։

Թերահավատորեն են տրամադրված նաեւ The Guardian-ի դիվանագիտական աղբյուրները։ «Մենք պետք է շարունակենք եւ տեսնենք, թե առհասարակ ինչի  համար է դա արվել։ Չէ՞ որ դա Պուտինն է, նա բազմիցս նմա հայտարարություններ է արել, սակայն ոչինչ քիչ հավանական չէ»։

Գերմանական Handlsblatt-ը հարցադրում է անում, թե վերջին հաշվով ում է ձեռնտու Կրեմլի այդ քայլը։ «Եթե Պուտինն իրոք անկեղծ է իր մտադրություններում, ապա այդ որոշումը Դամասկոսի համար լրացուցիչ ճնշում է»,- գրում է թերթը։ Դա հասկանալով՝ ՄԱԿ-ի եւ Սիրիայի ընդդիմության ներկայացուցիչները լավատեսորեն նայում են ռուսական զորքերի դուրսբերմանը։