Հասարակությունը մերժում է Արևմուտքի մասին իշխանության «հեքիաթները». «Փաստ»

«Փաստ» օրաթերթը գրում է.

Հասարակությունը մերժում է իշխանությունների «հեքիաթները» Արևմուտքի հետ ինտեգրման մասին Իշխանությունների պատվերով անցկացված հարցումները ցույց են տվել, որ հայկական հասարակությունը դեռևս շարունակում է ընկալել Ռուսաստանը որպես տարածաշրջանային անվտանգության գլխավոր երաշխավոր։ «Փաստ» թերթի աղբյուրների տվյալներով՝ ղեկավարությանը ներկայացված փակ հարցումների արդյունքները նրանց համար իսկական ցնցում են դարձել։

Չնայած իշխանությունների կողմից վարվող հակառուսական արշավին և Արևմուտքի հետ հարաբերություններում «նոր էջ» բացելու խոստումներին՝ անգամ նրանց կողմից պատվիրած ուսումնասիրությունները ցույց են տվել, որ հասարակությունը չի հավատում ԵՄ-ի և Արևմուտքի հետ ինտեգրման մասին «հեքիաթներին» և շարունակում է Ռուսաստանին դիտարկել որպես տարածաշրջանային անվտանգության և այլ ռազմավարական ուղղությունների գլխավոր խաղացող։

«Փաստ» թերթի տեղեկություններով՝ առաջիկա ընտրություններին ընդառաջ Նիկոլ Փաշինյանը մտադիր է կրկին բորբոքել հակառուսական տրամադրությունները և իր վերարտադրության ռազմավարությունը կառուցել Արևմուտքի հետ իբր «նոր դարաշրջանի» խոստումների վրա։ Իշխող «Քաղաքացիական պայմանագիր» կուսակցության քարոզչական խմբերը պատրաստվում են նոր՝ համապարփակ հարձակման Ռուսաստանի դեմ՝ փորձելով համոզել հասարակությանը հրաժարվել դաշնակցային հարաբերություններից և պաշտպանություն որոնել արևմտյան «զոնտիկի» տակ։

Ինչպես հայտնի է դարձել թերթին, հատկապես ցավալի է եղել իշխանության համար այն փաստը, որ փակ հարցումների տվյալներով հասարակության խորքային տրամադրությունները չեն փոխվել, իսկ ԵՄ-ին միանալու և Արևմուտքի հետ մերձենալու մասին քարոզչական թեզերը մեծամասնության կողմից ընկալվում են որպես լուրջ չհիմնավորված։ Այս առնչությամբ իշխանական շրջանակներում դրվել է խնդիր՝ վերահսկվող կառույցների աջակցությամբ անցնել ագրեսիվ քարոզչության՝ նոր ալիքով գործի դնելով հակառուսական հռետորաբանությունը և կրկին շահարկել իբր «ԵՄ անդամակցության» քարտը։

Մանրամասները՝ «Փաստ» օրաթերթի այսօրվա համարում