Աշխարհը չէր հետաքրքրվում 100 տարի առաջ հայերի սպանություններով, հիմա էլ չի հետաքրքրվում քրիստոնյաների ջարդերով. Սատանովս
Աշխարհը ստոր է եւ զզվելի։ Դա նորություն չէ։ Այս մասին ԱՄՆ Ներկայացուցիչների պալատի՝ Մերձավոր Արեւելքում քրիստոնյաների, այդ թվում հայերի, ասորիների եւ եզդիների ցեղասպանությունը դատապարտող բանաձեւը մեկնաբանելու մասին NEWS.am-ի թղթակցի խնդրանքին ի պատասխան՝ ասել է ռուսաստանցի քաղաքագետ Եվգենի Սատանովսկին։
«Դա հենց ցեղասպանություն է։ Ինչու՞ չընդունել այդ փաստաթուղթը»,- նշել է քաղաքագետը։ Դրա հետ մեկտեղ քաղաքագետը Սիրիայից ռուսական հիմնական զորքերի դուրսբերման ենթատեքստում իրավիճակի զարգացման հեռանկարների մասին մտորումները թողել է աստղագետներին եւ գուշակներին։ «Ինչ-որ բան կանխատեսելը վտանգավոր է հեղինակության համար»,- պարզաբանել է նա։
Անդրադառնալով հարցին, թե չի կարող արդյոք ընդունած բանաձեւը Հայոց ցեղասպանության ճանաչման առաջին քայլը լինել, քաղաքագետը նշել է, որ մեծ հաշվով աշխարհին դա չի հետաքրքրում։ «Ինչպես աշխարհին չէին հետաքրքրում 100 տարի առաջ հայերի սպանությունները, այնպես էլ հիմա չեն հետաքրքրում քրիստոնյաների սպանությունները»,- ասել է նա։
1
2
3
4
5
3
4
5
2
3
4
5
