Թուրքիայում խուճապ է. կրկին ուժգին երկրաշարժ է գրանցվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Թուրքիայի արևմտյան հավածում գտնվող Քյութահիա նահանգի Սիմավ շրջանի Յեմիշլի գյուղում սեպտեմբերի 29-ին 5․4 բալ ուժգնությամբ երկրաշարժ է գրանցվել։ Ըստ Թուրքիայի նախագահականի «Աղետների և արտակարգ իրավիճակների վարչության» (AFAD)՝ ստորգետնյա ցնցման խորությունը կազմել է 8․46 կմ և զգացվել նաև Ուշաք, Բալըքեսիր, Բուրսա և Բիլեջիք նահանգներում։

AFAD-ի հայտարարությամբ՝ մարդկային կորուստների կամ նյութական վնասներ չկան, իսկ համապատասխան խմբերը շարունակում են տեղում իրականացվող աշխատանքները, փոխանցում է Էրմենիհաբեր-ը:

Ներքին գործերի նախարար Ալի Յերլիքայան, անդրադառնալով տեղի ունեցածին, ընդգծել է, որ բոլոր համապատասխան կառույցները ներգրավված են տարածքում իրականացվող աշխատանքներում։

Քյութահիայի նահանգապետ Մուսա Իշըն հայտնել է, որ երկրաշարժի հետևանքով միայն 8 լքված շինության պատերն են փլվել, բնակելի տներում վնաս չի արձանագրվել, ինչպես նաև տեղեկացրել է, որ ստեղծվել է մասնագիտական խումբ՝ հնարավոր վնասների գնահատման համար։

Յեմիշլիի բնակիչները պատմել են ուժեղ ցնցումների և խուճապի մասին․ ոմանք չեն հասցրել տներից դուրս գալ, իսկ ոմանք էլ՝ անձնական իրերը վերցնել։

Նշենք, որ նույն տարածքում ավելի վաղ՝ 4.6 բալ ուժգնությամբ երկրաշարժ էր գրանցվել, ինչին հաջորդել էր շուրջ 700 թույլ հետցնցում։ Այս դեպքում ևս զոհերի կամ լուրջ վնասների մասին տեղեկություններ չէին հաղորդվում։

Հետևեք մեզ՝ այստեղ