Վարդան Օսկանյանի կուսակցությունը որևէ փոփոխություն չի խոստանում

Ոչ իշխանական եռյակի փլուզման օրերից ՀՀ քաղաքական դաշտի ընդդիմադիր ճակատում որոշակի որոշակի վակուում է առաջացել և վերջին շրջանում տեղի են ունենում վերադասավորումներ` այդ վակուումը լրացնելու ու գլխավորմ ընդդիմադիրի դափնեպսակը վերցնելու համար:

Այս գործընթացի շրջանակներում ակտիվացել են նորաստեղծ կուսակցությունները, օրինակ` «Քաղաքացիական պայմանագիրը» և «Լուսավոր Հայաստանը»: Ակտիվորենն խոսվում է նաև նոր կուսակցությունների ստեղծման մասին: Այսպես` Վարդան Օսկանյանը հաստատել է այն տեղեկությունները, թե մտադիր է նոր կուսակցություն հիմնել: Պարզ է, որ ինչքան էլ Օսկանյանը հերքի այն խոսակցությունները, թե կուսակցություն ստեղծելու հարցում Ռոբերտը Քոչարյանը որևէ կապ չունի, միևնույն է, բոլորն էլ հասկանում են, որ Օսկանյանը «ամուր քաղաքական թելերով» կապված է Քոչարյանի հետ և ջանք է անելու համախմբել, այսպես կոչված քոչարյանական ուժերին:

Իրավիճակը ցույց է տալիս, որ Վարդան Օսկանյանի կուսակցությանը լուրջ փորձություններ են սպասվում քաղաքական ասպարեզում և դժվար թե նա կարողանա քոչարյանական ուժերից բացի այլ շրջանակների համախմբում ևս կազմակերպել: Այս հարցում պետք է հաշվի առնել նաև այն հանգամանքը որ Օսկանյանը քաղաքական ասպարեզում լուրջ մենեջմենթով աչքի չի ընկել, քանի որ հաճախ հակասական գործելակերպ է որդեգրել:

Ամփոփելով նշենք, որ Օսկանյանի կողմից կուսակցության հիմնումը որևէ լուրջ փոփոխություն չի խոստանում և այն համալրելու է վերջերս ստեղծված և փոքրաթիվ կազմ ունեցող կուսակցությունների շարքը: