Վիճաբանություն՝ Արարատի մարզում․ հայրը 2 որդիների հետ վիճաբանել է 2 քաղաքացու հետ․կան ձերբակալվածներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

SHAMSHYAN.com-ի տեղեկություններով` օգոստոսի 31-ին վիճաբանություն է տեղի ունեցել Արարատի մարզում։ Ժամը 16։20-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մասիսի բաժնում օպերատիվ տեղեկություն է ստացվել, որ Հայանիստի վարչական ղեկավարի աշխատավայրի մոտ կռիվ է։

Ինչպես հայտնում է ֆոտոլրագրող Գագիկ Շամշյանը, ոստիկանության Մասիսի բաժնի ծառայողների կողմից ստուգման ընթացքում ձեռնարկաված օպերատիվ-հետախուզական միջոցառումների արդյունքում օպերատիվ տվյալներ են ստացվել, որ նույն օրը ժամը 16։00-ի սահմաններում Հայանիստի վարչական ղեկավարի աշխատավայրի մոտ ընտանեկան հարցի շուրջ միմյանց հետ վիճաբանել են Արարատի մարզի բնակիչներ 57-ամյա Ռաֆայել Մ․-ն, 27-ամյա Արման Մ․-ն, 29-ամյա Տիգրան  Մ․-ն, Արմավիրի մարզի բնակիչ 47-ամյա Արման Ս․-ն և Կոտայքի մարզի բնակիչ 36-ամյա Գեղամ Ս․-ն, որի ընթացքում միմյանց քաշքշել և հրել են։

Գ․ Շամշյանի տեղեկություններով` սեպտեմբերի 4-ին Ռաֆայել Մ․-ն, Արման Մ․-ն, Արման Ս․-ն և Գողամ Ս․-ն հրավիրվել են ոստիկանության Մասիսի բաժին, որտեղ ֆիզիկական ներգործություն կատարելու անմիջականորեն ծագած հիմնավոր կասկածի առկայության հիմքով ձերբակալվել և կազմված փաստաթղթերով հանդերձ ներկայացվել են ՀՀ Քննչական կոմիտեի Արարատի մարզային քննչական վարչության Մասիսի քննչական բաժին։

Ոստիկանների կողմից ձեռնարկվում են միջոցառումներ Տիգրան Մ․-ին հայտնաբերելու ուղղությամբ։

Դեպքի փաստով Մասիսի քննչական բաժնում նախաձեռնվել է քրեական վարույթ։

Հետևեք մեզ՝ այստեղ