Հուսով եմ` ազատությունից զրկված բոլոր անձինք կվերադառնան. ՄԻՊ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հայաստանի մարդու իրավունքների պաշտպան Անահիտ Մանասյանը Sputnik Արմենիայի հետ զրույցում անդրադարձել է է Ադրբեջանում ապօրինի պահվող հայ գերիների խնդրին:
Անդրադառնալով օրերս ԿԽՄԿ հայաստանյան գրասենյակի ղեկավար Դաֆնե Մարեի հետ հանդիպմանը, ՄԻՊ-ը նշել է, որ առաջին հերթին քննարկվել է գտնվելու վայրն անհայտ անձանց հետ կապված խնդիրները, հարցին առնչվող և ոլորտին վերաբերելի միջազգային գործընկերների քայլերի կարևորությունը և, գերիների, Ադրբեջանում ազատությունից զրկված հայերի հետ կապված հարցեր։
«Այս հարցերի քննարկումը հատուկ կարևորություն է ձեռք բերում, քանի որ ԿԽՄԿ գրասենյակն այլևս Ադրբեջանում չի գործելու, ինչը, իհարկե, մարդու իրավունքների պաշտպանությամբ զբաղվող անձանց և կազմակերպությունների տեսանկյունից մտահոգիչ տեղեկություն է, քանի որ այն ուղղակի ազդեցություն ունի նշված անձանց իրավունքների պաշտպանության տեսանկյունից։ Ես, ըստ էության, մշտապես խոսում եմ այն մասին, որ միջազգային գործընկերները պետք է ամեն ջանք գործադրեն, որպեսզի նշված անձանց իրավունքների պաշտպանությունը պատշաճ ձևով հնարավոր լինի երաշխավորել։ Իհարկե, գործընկերները նաև պարբերաբար տեղեկատվություն են ներկայացնում, թե իրենք ինչ են փորձում իրականացնել` իրավունքների պաշտպանության այս գործընթացը երաշխավորելու առումով։ Բայց քանի որ նրանց գործունեությունը խորհրդապահական է, ես չեմ կարող էթիկական ստանդարտներ խախտել և խոսել նրանց կողմից իրականացվող գործողությունների մասին»։
Խոսելով ԿԽՄԿ Բաքվի գրասենյակի գործունեության դադարեցմանը վերաբերյալ իրավապաշտպանների և գերիների ընտանիքների մտահոգությունների մասին, ՄԻՊ-ը շեշտում է, որ պետք է փորձել առաջին հերթին աշխատել նաև հարազատների հետ։
«Շատ բնական է, որ երբ ազատությունից զրկված անձինք գտնվում են մի պետությունում, որը նաև կոնֆլիկտի կողմ է հանդես եկել, մտահոգում է թե՛ նրանց, թե՛ հարազատներին։ Պետք է փորձել առաջին հերթին աշխատել նաև հարազատների հետ, այդ թվում` այս խնդիրները կանոնակարգելու, հաղթահարելու ուղղությամբ, և բնականաբար, շատ կարևոր է, որ այդ միջազգային ներկայությունը երաշխավորված լինի նաև իրավունքների պաշտպանության դիտանկյունից։ Ի սկզբանե ես առաջարկել եմ այս հարցով հաղորդակցվել Ադրբեջանի մարդու իրավունքների հանձնակատարի հետ` առանձնացնելով մարդասիրական, մարդու իրավունքների հետ կապված հարցերը, որոնցով առնվազն ապաքաղաքական և անկախ մարմինները պետք է ունենան հաղորդակցություն, բայց այս պահին նշված հաղորդակցությունը չկա; Ըստ էության, ես նախաձեռնություն ցուցաբերել եմ անմիջապես հենց իմ ընտրությունից հետո։ Մենք որևէ արձագանք երբևէ չենք ունեցել»։,- շեշտել է նա
Անդրադառնալով Ադրբեջանի հետ խաղաղության համաձայնագրի նախաստորագրումից հետո շփումներում և ընդհանրապես գերիների հարցում հնարավոր առաջընթացի վերաբերյալ հարցին, Անահիտ Մանասյանը նշել է, որ կանխատեսումներ չի կարող անել, որովհետև քաղաքական գործիչ չէ և քաղաքական մարմին չի ներկայացնում։
«Բայց վստահաբար կարող եմ նշել, որ խաղաղությունն ինքնին մարդու իրավունքների տեսանկյունից շատ կարևոր իրավիճակ է, որովհետև ցանկացած պատերազմ ուղղակի ազդեցություն է ունենում նաև մարդկանց և մարդկանց իրավունքների վրա։ Բայց նաև շատ կարևոր է, որ խաղաղության ցանկացած գործընթացի համատեքստում առաջնահերթ ուշադրության արժանանան մարդու իրավունքները, և այս համատեքստում գտնվելու վայրն անհայտ անձանց և ազատությունից զրկված անձանց իրավունքների պաշտպանությունը, բնականաբար, ունի առաջնահերթ դերակատարություն։ Ես հույս ունեմ, որ ազատությունից զրկված բոլոր անձինք կվերադառնան, որովհետև բազմիցս եմ նշել, որ կոնֆլիկտի կողմ հանդիսացող պետությունը, ըստ էության, մի փոքր դժվար տրամաբանությամբ կարող է անկախ և անաչառ դատավարություններ իրականացնել։ Եվ նաև բազմիցս եմ ասել, որ այս դատավարությունների համատեքստում խախտվում է թե՛ անմեղության կանխավարկածի, թե՛ արդար դատավարության սկզբունքը։ Շատ կարևոր է նաև հաշվի առնել ընդհանուր առմամբ հայատյացության քաղաքականությունը, որը պետք է որպես խաղաղության ցանկացած գործընթացի վերջնարդյունք հաղթահարվի»,- ասել է նա։
Հետևեք մեզ՝ այստեղ
1
2
3
4
5
1
2
3
4
5
1
2
5
