Միայն Երևանի դպրոցներում դասերը 08։15 կսկսվեն, մարզերի դպրոցները դասերը կսկսեն ժամը 09։00-ին․ Ժաննա Անդրեասյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ Երևանի քաղաքապետարանի խոսնակ Հայկ Կոստանյանը լրատվականներին հայտնել էր, որ 2025 թվականի սեպտեմբերի 1-ից հանրակրթական դպրոցներում դասերը կմեկնարկեն ժամը 08:15-ին։

Ըստ Կոստանյանի նպատակն է, որ երեխաները խցանումների պատճառով դասերից չուշանան, ինչպես նաև երթևեկությունը որոշակիորեն թեթևանա առավոտյան ժամերին։
Այսօր ԱԺ Գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նիստի ընթացքում ՀՀ ԿԳՄՍ նախարար Ժաննա Անդրեասյանը հայտնեց, որ խոսքը բացառապես Երևանի դպրոցների մասին է։

«Ուշադիր քաղաքացիները կնկատեն, որ հաղորդագրությունն առաջինը տարածել է Երևանի քաղաքապետարանը։ Չեմ կարծում, որ սա որևէ մեծ փոփոխություն է կրթական գործընթացի համար, բայց կարող է մեծ փոփոխություն բերել տրանսպորտային հոսքերի արդյունավետ կառավարման համար և թույլ կտա խցանումների մեջ չընկնել դպրոց գնացող մեր երեխաներին»,- ասաց նա։

Ժաննա Անդրեասյանւ խոսքով մինչև այս էլ եթե Երևանի դպրոցների դասերը ժամը 08։30 էին սկսվում, մարզերում աշխատում են՝ սկսած ժամը 09։00-ից։ «Բուհերում դասերը հիմնականում 09։30 են սկսվում, որ նաև մարդիկ միաժամանակ տնից դուրս չգան և ունենան հնարավորություն ավելի հարմարավետ պայմաններում հասնել իրենց ուսումնական հաստատություն և աշխատավայր»,- ասաց նախարարը՝ հավելելով, որ ԲՈՒՀ-երում ավելի ուշ են սկսվում դասերը, քանի որ մարզերից երթևեկող ուսանողներ կան։

© ORAGIR.NEWS https://oragir.news/hy/material/2025/08/29/167755?fbclid=IwY2xjawMeY-BleHRuA2FlbQIxMQABHpjoD-5MtAXp8vhz8ei89gmsQjVggoqxcvQrp7X8BAByFcK6N-hOdUo_nDbZ_aem_0GzBY4F0pZ5dr1W4vcoKRQ

Հետևեք մեզ՝ այստեղ