Ալավերդիում կորած երեխան հայտնաբերվել է․ մանրամասներ
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր համացանցում տարածվեց տեղեկություն, որ Ալավերդիում երեխա է կորել։ «Նկարում պատկերված աղջիկը՝ Մարգո Լալայանը, 15 տարեկան է, բնակվում է Ալավերդի քաղաքի Ս/սարահարթ թաղամասում, երեկվանից կորել է»,- գրված է տարածված հաղորդագրությունում։
MediaHub-ի հետ զրույցում աղջկա մտերիմները նշեցին, որ խելոք երեխա է, և երեկ տեսել են փողոցում մենակ քայլելուց, իսկ Ալավերդիում արդեն իսկ աշխատանքներ են տարվում իրեն գտնելու համար։
MediaHub-ը կապ հաստատեց ՆԳՆ–ի հետ, որտեղից մեզ հայտնեցին, որ օգոստոսի լույս 25–ի գիշերը մի կին զանգահարել է Ոստիկանության Լոռու մարզի օպերատիվ կառավարման կենտրոն, և հայտնել է, որ իր քույրը՝ 15 տարեկան Մարգոն, տանից մի քանի ժամ առաջ դուրս է եկել, և նրա գտնվելու վայրի վերաբերյալ որևէ տեղեկություն չունեն։ ՆԳՆ–ից հայտնեցին, որ համայնքային Ոստիկանության Թումանյանի բաժնի ծառայողները ձեռնարկում են միջոցները աղջկան հայտնաբերելու ուղղությամբ։
Մինչ մենք նյութ էինք պատրաստում, MediaHub-ի հետ կապ հաստատեց որոնվող աղջկա մտերիմներից մեկը և հայտնեց, որ Մարգոն գտնվել է։
«Մարգոն նորմալ է, առողջ է, հարազատի տանն է եղել, երեկ չեն զանգել, չեն զգուշացրել, կարևորը երեխան ողջ, առողջ գտնվել է»,– նշեց մեր զրուցակիցը։
Մարիաննա Արամյան
Հետևեք մեզ՝ այստեղ
1
2
3
4
5
1
2
3
4
5
1
2
3
4
5
