Թուրքին բերել ա տանս վրա կանգնացրել․ Սյունիքում խաղաղությունն այլ կերպ են պատկերացնում
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վերջին տարիների տարածաշրջանում խաղաղության մասին հայտարարությունները միշտ չէ, որ հավատ են ներշնչում սահմանամերձ գյուղերում ապրող քաղաքացիներին, քանի որ կիլոմետրեր այս կողմ՝ Երևանում արվող հայտարարություններն այլ են, բայց պատկերը գյուղերում լրիվ մեկ այլ իրականության մասին է։
MediaHub-ը պարբերաբար ներկայացնում է իրավիճակը սահմանամերձ բնակավայրերում, ամիսներ շարունակ մենք արձանագրում ենք, որ թշնամին խաղաղության չի ձգտում և շարունակում է կրակել: Վաշինգտոնյան հանդիպումից հետո էլ, ասացին, կրակոցներ են լսվել՝ այս անգամ Կապանի օդանավակայանի ուղղությամբ:
Սյունիքի մարզի բնակիչներից մեկը մեզ հետ զրույցում նշեց, որ թեև շուրջ մեկ ամիս է Խոզնավար գյուղում կրակոցներ չկան, բայց միևնույն է՝ վախ ու խուճապ կա տեղի բնակիչների շրջանում.
«Էսօր կրակոց չկա, վաղը կլինի, թուրքին կարա՞ս իմանաս։ Ամեն պահի սպասում ենք, որ կարա նորից կրակոց լինի։ Հույս ունենա՞նք, որ խաղաղություն կլինի, ո՞ւմ են ուզում խաբել տենց։ Թուրքին բերել
ա տանս վրա կանգնացրել, էլ ի՞նչ հույս պիտի ունենամ, ի՞նչ խաղաղություն»,- նշեց մեր զրուցակիցը։
Արդեն վրա հասած խաղաղության մասին ուռճացված ու ճոռոմ հայտարարությունների ֆոնին մեր զրուցակիցը մտահոգված ասում է՝ այսպես առանց կրակոց երկար չի տևի, շուտով կխախտվի լռությունը։
Էմմա Մարտիրոսյան
Հետևեք մեզ՝ այստեղ
1
2
3
4
5
1
2
3
4
5
1
2
3
4
5
