Հրաշքների կղզիներ Դուբայում. դրախտ՝ ճանապարհորդողների համար (լուսանկարներ)

Դուբայում The Palm Islands կամ Արմավենու կղզիներն ամենահայտնի ձեռակերտ կղզիախումբն են, գրում է Luxlux.net-ը։
 
Այս հրաշքի մի մասը՝ The Palm Jumeirah-ն, հավակնում է աշխարհի 8-րդ հրաշալիքի կոչմանը։ Սա առաջին արհեստական կղզին է, որը երևում է տիեզերքից։ Կղզին հետաքրքիր է նաև իր պատմությամբ, գեղատեսիլ տեսարաններով և հարմարավետ հանգստավայրերի ու հյուրանոցների առատությամբ։
 
Դուբայում զբոսաշրջիկների համար կան բազմաթիվ տեսարժան վայրեր, և արհեստական կղզիները կարելի է անվանել ամենագրավիչներից մեկը։
 
The Palm-ն արհեստական կղզիներ ստեղծելու ամենախոշոր նախագիծն է աշխարհում։ Կղզիներում գտնվում են հիանալի պարտեզներ, որտեղից գրավիչ տեսարան է բացվում դեպի Պարսից ծոց և Դուբայ։ Այստեղ կարելի է հարմարավետ հանգիստ անցկացնել 5-աստղանի հյուրանոցներում, այցելել ժամանակակից սպա սրահներ։ Եվ իհարկե, կղզիներում առաջարկվում է փորձել սեփական ուժերը գրեթե բոլոր ջրային մարզաձևերում։



The Palm Jumeirah-ում մի քանի լյուքսային հյուրանոցներ կան, որոնցից ամենահայտնին Atlantis The Palm 5-աստղանի հյուրանոցն է։





Շատ հավանական է, որ մոտ ապագայում կղզիներից ոչ հեռու կհայտնվի ևս մեկ՝ զբոսաշրջիկների համար գրավիչ օբյեկտ՝ արհեստական ժայռերի համալիր, որոնք ոչ միայն կգրավեն հյուրերին, այլև ավելի հարուստ կդարձնեն Պարսից ծոցի բնությունն ու կենդանական աշխարհը։