Կրակnցները լսելուց մտածում ենք պատերազմ է․ Սյունիքի բնակիչներին հրահանգել են չխոսել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մինչ Նիկոլ Փաշինյանն արձակուրդում է և հայտարարել է, որ պատրաստվում է անձամբ «ազատագրել» Մայր Աթոռը, ադրբեջանցիները շարունակում են գիշերները կրակել Սյունիքի սահմանամերձ բնակավայրերի ուղղությամբ։

MediaHub-ի հետ զրույցում Տեղ գուղի բնակիչներից մեկը նշեց, որ կրակոցներն ինչպես եղել են, այդպես էլ շարունակվում են։

«Ամեն անգամ կրակոցներն այնքան ինտենսիվ են, որ մտածում ենք՝ պատերազմ է սկսվել, ամեն անգամ վեր ենք թռչում, ամեն գիշեր ճնշված ենք զգում։ Չգիտենք էլ՝ ե՞րբ են դադարելու կրակոցները, թե՞ պատերազմ կսկսվի։ Երկրի վարչապետը հանգստի է գնացել, արձակուրդ է, ստատուսներ է գրում, ուզում է եկեղեցու վրա հարձակվի։ Իսկ մեր հարցերին ո՞վ է պատասխան տալու, ե՞րբ են ավարտվելու կրակոցները»,- MediaHub-ի հետ զրույցում նշեց Տեղ գյուղի բնակիչը։

MediaHub-ի տեղեկություններով՝ դեռ մի քանի ամիս առաջ սահմանամերձ համայնքների ղեկավարներին խիստ հրահանգել էին ԶԼՄ-ներին կրակnցների մասին տեղեկություն չհաղորդել, ոչինչ չասել։ 

«Խնդրում եմ, ինձ հասկացեք, բայց որևէ բան ասել չեմ կարող: Խիստ հրահանգել են որևէ մեկնաբանություն չտալ այդ թեմայով»,- փոխանցել էր MediaHub-ի զրուցակիցը:

Սակայն, այժմ հրահանգվել է ո՛չ միայն համայնքի ղեկավարներին «ծպտուն չհանել», այլ նաև գյուղերի բնակիչներին։

Եվ ահա, քիչ առաջ, երբ փորձում էինք կապ հաստատել Սյունիքի հերթական սահմանամերձ համայնքի հետ, որպեսզի հասկանանք, թե ինչպե՞ս է անցել գիշերը իրենց մոտ, համայնքներից մեկի բնակիչը մեզ տեղեկացրեց, որ իշխանությունները խիստ հրահանգ են իջեցրել՝ չշփվել լրատվամիջոցների ներկայացուցիչների հետ, չտեղեկացնել նրանց սահմանային իրավիճակի, առավել ևս՝ կրակոցների մասին։

Մարիաննա Արամյան

Հետևեք մեզ՝ այստեղ