ՆԱՏՕ-ի գլխավոր քարտուղարը նախազգուշացրել Է Երրորդ համաշխարհային պատերազմի հավանականության մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Աշխարհը կարող է հայտնվել երրորդ համաշխարհային պատերազմի շեմին, եթե Չինաստանի նախագահ Սի Ցզինպինը որոշի ռազմական ներխուժում կատարել Թայվան, իսկ նրա դաշնակից Վլադիմիր Պուտինն այդ ժամանակ հարձակվի Եվրոպայում ՆԱՏՕ-ի երկրների վրա, որպեսզի թույլ չտա նրանց միջամտել Ասիա-խաղաղօվկիանոսյան տարածաշրջանում հակամարտությանը: Այս մասին The New York Times-ին ասել է ՆԱՏՕ-ի գլխավոր քարտուղար Մարկ Ռյուտեն։

«Միամտություն կլինի մտածել, որ Սի Ցզինպինի՝ Թայվանը գրավելու նկրտումները կսահմանափակվեն ընդամենը երկու երկրով», - ասել է Ռուտտեն։ «Եթե Սին հարձակվի Թայվանի վրա, նա նախ կզանգահարի իր կրտսեր գործընկերոջը՝ Մոսկվայում գտնվող Վլադիմիր Վլադիմիրովիչ Պուտինին և կասի՝ «Ես դա անելու եմ, իսկ դուք պետք է շեղեք Եվրոպայի ուշադրությունը՝ հարձակվելով ՆԱՏՕ-ի տարածքի վրա»»։

Ռյուտտեն հիշեցրել է, որ Սի Ցզինպինը և Պուտինը բազմիցս ընդգծել են իրենց «անսահման գործընկերությունը»՝ Ուկրաինայի դեմ Ռուսաստանի շարունակվող պատերազմի ֆոնին: ՆԱՏՕ-ի գլխավոր քարտուղարի խոսքով՝ նշաններ կան , որ Չինաստանը չի կարող թույլ տալ Ռուսաստանին պարտվել այս հակամարտությունում, քանի որ դրանից է կախված նաև Թայվանի հարցում Պեկինի սեփական ռազմավարությունը։

Ամերիկացի և թայվանցի վերլուծաբանների կանխատեսումների համաձայն՝ Պեկինը կարող է մինչև 2027 թվականը որոշել լիակատար ներխուժում կատարել կղզու վրա։ Եվրոպական աղբյուրները հայտնել են, որ վերջերս Չինաստանի արտաքին գործերի նախարար Վան Իի հետ բանակցությունների ընթացքում նա իբր Ուկրաինայում ընթացող պատերազմը ուղիղ ձևով անվանել է «օրհնություն», որը շեղել է Արևմուտքի ուշադրությունը Թայվանից։

Ռյուտտեն նշել է, որ աշխարհն արդեն տեսնում է, թե ինչպես է գործում «Ռուսաստան - Ասիա - Խաղաղօվկիանոսյան տարածաշրջան» կապը Ուկրաինայի օրինակում։ Մոսկվան ստացել է իրանական անօդաչու սարքեր, ինչպես նաև աջակցություն ԿԺԴՀ-ից, որը՝ ըստ արևմտյան հատուկ ծառայությունների տվյալների, Ռուսասատանին օգնելու նպատակով ուղարկել է ավելի քան 12,000 հյուսիսկորեական զինվոր։ ԵՄ-ն նույնպես մեղադրում է չինական ընկերություններին՝ Ռուսաստանի ռազմական արդյունաբերությանը աջակցելու համար։

«Ատլանտիկան և Հնդկա-Խաղաղօվկիանոսյան տարածաշրջանը գնալով ավելի են փոխկապակցվում։ Մենք գիտենք, որ Չինաստանը ուշադրությամբ հետևում է Թայվանին, և նման աշխարհաքաղաքական պայմաններում չենք կարող շարունակել պաշտպանական ծախսերի վերաբերյալ հին մոտեցումներով», - ընդգծել է Ռյուտտեն՝ հիշեցնելով դաշնակիցներին, որ անհրաժեշտ է բարձրացնել ռազմական բյուջեները՝ հաղթահարելով ՀՆԱ-ի 2%-ի հնացած շեմը։

ՆԱՏՕ-ի գլխավոր քարտուղարը կոչ է արել արևմտյան երկրներին ոչ միայն ուժեղացնել Եվրոպայում զսպման միջոցները՝ Ռուսաստանից ագրեսիայի ընդլայնումը կանխելու համար, այլև գործել որպես միասնական ճակատ՝ Հնդկա-Խաղաղօվկիանոսյան տարածաշրջանում Չինաստանի հավակնությունները զսպելու համար։

Հետևեք մեզ՝ այստեղ