Կիևը զանգվածային անօդաչու թռչող սարքերի հարձակման տակ է հայտնվել. կան զոհեր

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսական կողմը գիշերը Ուկրաինայի ուղղությամբ արձակել է 407 անօդաչու թռչող սարք և 44 հրթիռ. այդ մասին հաղորդել է Ուկրաինայի զինված ուժերի հրամանատարության կապի վարչության պետ Յուրի Իգնատը։

«Այսօր եղել են բալիստիկ հրթիռներ, օդային և ցամաքային թևավոր հրթիռներ, ինչպես նաև մեծ թվով հարձակողական անօդաչու թռչող սարքեր և անօդաչու թռչող սարքերի իմիտատորներ: Ընդհանուր առմամբ, օգտագործել են 407 հարձակողական անօդաչու թռչող սարք: Մենք նաև տվյալներ ունենք 6 բալիստիկ հրթիռի օգտագործման մասին, 38 թևավոր հրթիռի, որոնց մեծ մասը ոչնչացվել է: Մենք նաև ունենք մինչև 200 հարձակողական անօդաչու թռչող սարքերի խոցում», - ասաց նա:

Ուկրաինական կողմը հայտնում է  զոհերի և վիրավորների մասին: Ինչպես նաև հրդեհների մասին, որոնք գրանցվել են միանգամից մի քանի թաղամասերում։  

Քաղաքի որոշ թաղամասերում հնարավոր են էլեկտրաէներգիայի անջատումներ:

Կիևի քաղաքապետ Վիտալի Կլիչկոյի խոսքով՝ 16 մարդ հոսպիտալացվել է։ Վերջինս հաղորդում է նաև նախնական 4 զոհի մասին։

Բացի այդ, վթարներ են գրանցվել մայրաքաղաքի 6 շրջաններում։ Վնասվել են «Դարնիցա» և «Լիվոբերեժնայա» մետրոյի կայարանների միջև ընկած մետրոյի գծերը։ Քաղաքային իշխանությունները խոստանում են վերանորոգել դրանք 24 ժամվա ընթացքում։
Հարված է հասցվել նաև Լուցկին։ 

Գլխավոր շտաբն էլ իր հերթին հաստատում է Էնգելսի և Դյագիլեվո օդանավակայանների վրա հարձակումը։
Էնգելսի դեպքում հաստատվել են առնվազն երեք վառելիքի բաքերի վրա բազմաթիվ հարվածներ, որոնք պարունակում էին դյուրավառ նյութեր. արտակարգ ծառայություններին չի հաջողվել տեղայնացնել հրդեհը: Վնասները պարզվում են:

Դյագիլեվոյում, հարվածից հետո, գրանցվել է հակառակորդի ՀՕՊ ակտիվություն, և կան տեղեկություններ թիրախային տարածքում հրդեհի մասին: 

Հետևեք մեզ՝ այստեղ