Լոռու մարզպետը կնշանակվի ՀՀ ոստիկանապետ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ArmLur.am-ի տեղեկություններով Լոռու մարզպետ Արամ Ղազարյանը կնշանակվի ՀՀ ոստիկանապետ։

ArmLur.am-ը տեղեկությունը ստուգելու համար փորձեց կապ հաստատել վերջինիս հետ, սակայն մեր զանգերը մնացին անպատասխան։

Քիչ առաջ վերջինս ֆեյսբուքյան էջում գրել է․ «Լոռու մարզի սիրելի՛ բնակիչներ, սիրելի՛ հայրենակիցներ,

Տեղեկացնում եմ, որ հրաժարական եմ տալիս Լոռու մարզպետի պաշտոնից և դադարեցնում եմ իմ քաղաքական և կուսակցական գործունեությունը։ Այս որոշումը պայմանավորված է այլ աշխատանքի անցնելու հանգամանքով, որի վերաբերյալ պատշաճ կարգով և սահմանված ժամկետներում հանդես կգան իրավասու մարմինները։ Հատուկ երախտագիտություն եմ ուզում հայտնել ՀՀ վարչապետին՝ վստահության և այն մեծ պատվի համար, որ հնարավորություն տվեց ծառայելու իմ հարզատ Լոռու մարզին՝ որպես մարզպետ։ Խորին շնորհակալություն եմ հայտնում Լոռու մարզի իմ սիրելի բնակիչներին՝ վստահության և աջակցության համար, մարզպետի աշխատակազմին և համայնքապետերին՝ համատեղ աշխատանքի և նվիրվածության համար, իմ գործընկեր մարզպետներին, ինչպես նաև Տարածքային կառավարման և ենթակառուցվածքների նախարարին ու նրա տեղակալներին՝ գործընկերային և արդյունավետ համագործակցության համար։ Անհատական շնորհակալություն եմ հայտնում գործադիր և օրենսդիր իշխանության իմ գործընկերներին՝ շարունակական աջակցության և կառուցողական փոխհարաբերությունների համար, ինչպես նաև մեր կուսակից ընկերներին՝ միասնական աշխատանքի և գաղափարական համախմբվածության համար»։

Նշենք, որ Արամ Ղազարյանը 2000-2020 թթ-ին տարբեր պաշտոններ է զբաղեցրել ոստիկանական համակարգում։

Ավելի վաղ ArmLur.am-ը գրել էր, որ իր բացառիկ տեղեկությունների համաձայն՝ այսօր՝ հունիսի 2-ին, ՀՀ վարչապետ Նիկոլ Փաշինյանը ՀՀ ներքին գործերի նախարարության ոստիկանության պետ, ՀՀ ՆԳՆ նախարարի տեղակալ, ոստիկանության գեներալ-մայոր Արամ Հովհաննսյանին հորդորել է ազատման դիմում գրել։

Հետևեք մեզ՝ այստեղ