«Հըզբոլլահը» մի քանի բարձունքներ է ազատագրել Արսալի շրջանում
Հասարակություն
Լիբանանյան «Հըզբոլլահը» Ջուրուդ Արսալի շրջանում վերահսկողություն է հաստատել ևս մի քանի բարձունքների վրա: Ինչպես հաղորդում են արաբական լրատվամիջոցները, ազատագրվել են Սարջ ալ Մամլահա, Ամանա, Արդ ալ Մինարա, Ռաս Տալաա բարձունքները և Ֆախթա հովիտը: «Ալ Մանար» հեռուստաալիքի տեղեկացմամբ` «Հըզբոլլահն» առաջ է ընթացել Ջաբալ Շաբայի ուղղությամբ այն բանից հետո, երբ հսկողություն է հաստատել Խեյլ հովտի և Հարֆ Ուադի ադ Դաբ շրջանի վրա: Նա իր դիրքերն է ամրապնդել Ջուրուդ Արսալի հարավում` Ռահուա շրջանում հարձակվելով «Ջաբհա ան Նուսրա» խմբավորման գլխավոր հենակետի վրա, արդյունքում մեծ թվով ահաբեկիչներ են սպանվել:
Ավելի վաղ զինյալներից ազատագրվել էին Մրադ Ղազի և Հարֆ Ուադի ալ Հաուա, Մաջր ալ Համրա և Շամիս ալ Համրա բարձունքները:
Ավելի քան երկու տարի է սիրիալիբանանյան սահմանին լարված իրավիճակ է տիրում, և բախումներ են ընթանում: Վերջին շրջանում սիրիական բանակը «Հըզբոլլահի» հետ բավական հաջողությունների էր հասել Լիբանանի բարձունքներում և Կալամունի շրջանում:
1
2
3
4
5
1
2
3
4
5
1
2
5
