Ընտրական օրենսգրքի նախագծում տեղ է գտել նաև ընտրատեղամասերում դիտորդների և լրագրողների՝ ութ հոգուց ավելի չլինելու դրույթը

Սանասար Կարապետյանը ֆեյսբուքյան իր էջում գրում է.

Հետաքրքիր էր իմանալ,որ ընտրական օրենսգրքի նախագծում տեղ է գտել նաև ընտրատեղամասերում դիտորդների և լրագրողների ութ հոգուց ավելի չլինելու դրույթը: Կարելի է մտածել, որ անցած ողջ ժամանակաշրջանում տեղամասերում շնչահեղձությունները եղել է խիստ հատկանշական, եթե իրահկե հաշվի չառնենք նույն բառի փոխաբերական իմաստը, <շնչահեղձություն> ձևական յուրային-իշխանական դիտորդների և սուտ, կամակատար լրատվականների ներկայացուցիչների առատությունից, շիլաշփոթի գոյությունից: Ու ընդհանրապես հետաքրքիր է, այդ ինչ՞ դրդապատճառներ են ի հայտ եկել, որի մասին այդպես էլ որևէ մեկը տեղյակ չի եղել, համենայնդեպս նման բողոքի և այլնի մասին չկա և չ եղել ոչ մի տեղեկություն: Կամ գոցե եղել է և մեծահոգաբար հասարակությունից այն թաքցվե՞լ է: Ինչևէ:

Եթե քննարկումների , առարկությունների , և ի վերջո հնարավոր փոխզիջումների արդյունքում հանկարծ նույն այդ անտրամաբանական <ութ> թիվը դառնա ասենք թեկուզ <տասնութ>, <քսանութ> և այլն, բայց լինի սահմանափակում, միևնույն է, ստիպված եմ մտածել, որ դա հատուկ արված է իշխանությունների համար անցանկալի դիտորդների և լրագրողների մուտքի համար արհեստական դժվարություններ, խոչընդոտներ ստեղծելու, ընդհուպ մեծաքանակ <յուրայինների> ընտրատեղամաս ներմուծման միջոցով անուղղակի արգելելու <ոչ յուրայինների> ներկայությունը: