Զղջացել է կատարածի համար. ինքնասպանության փորձ կատարած երիտասարդը հոսպիտալացվել է
Հասարակություն
Երեւանի Շենգավիթ համայնքում մարտի 6-ին ինքնասպանության փորձ կատարած 31-ամյա տղամարդը հոսպիտալացվել է «Նուբարաշեն» հոգեբուժական բժշկական կենտրոն: Այս մասին NEWS.am-ի թղթակցին ասաց բժշկական կենտրոնի տնօրեն Սամվել Թորոսյանը:
«Երիտասարդն այժմ մեզ մոտ է, մասնագետները զրուցել են նրա հետ: Նա արդեն իսկ զղջացել է կատարածի համար, սակայն դեռեւս կմնա մեր հսկողության տակ»,- ասաց Սամվել Թորոսյանը:
Ավելի վաղ Արտակարգ իրավիճակների նախարարության լրատվական ծառայությունից հայտնել էին, որ մարտի 6-ին ժամը 18.43-ին ահազանգ է ստացվել, որ քաղաքացին փորձում է ինքնասպան լինել՝ ցած նետվելով Երեւանի Ֆրունզե փողոցի տներից մեկի տանիքից:
Փրկարարները ոստիկանության եւ շտապօգնության աշխատակիցների հետ համատեղ կանխել են 31-ամյա Ն. Վ.-ի ինքնասպանության փորձը. վերջինիս պատգարակով իջեցրել են տանիքից եւ տեղափոխել ոստիկանության Շենգավիթի բաժին, այնուհետեւ՝ «Նուբարաշեն» հոգեբուժական բժշկական կենտրոն:
1
2
3
4
5
1
2
3
4
5
1
2
3
4
5
