Մարտի 8-ը հայ իրականության հետ ոչ մի կապ չունի. ազգագրագետ
Հասարակություն
Հայ հասարակությունը չի կարողանում Ապրիլի 7-ը ընկալել որպես կանանց, մայրության եւ գեղեցկության օր: Ազգագրագետ Արմենուհի Ստեփանյանը կարծում է, որ Մարտի 8-ին այդ տոնը նշելն այնքան է արմատավորվել մարդկանց գիտակցության մեջ, որ դժվար է ինչ-որ բան փոխելը:
«Մարտի 8-ը հայ իրականության հետ ոչ մի կապ չունի, սակայն այն մենք ավելի շուքով ենք նշում, քան ապրիլի 7-ը: Պարզապես Մարտի 8-ն այնքան է իր արմատները գցել, որ այն հանել ու շպրտել մի կողմ հնարավոր չէ, քանի որ այն ամբողջ աշխարհում տոնվում է որպես կանանց միջազգային օր: Եվ քանի որ այս երկու օրերի միջեւ մեկ ամիս տեւողություն կա, Հայաստանում մարտի 8-ից ապրիլի 7-ը միանգամից հայտարարվեց կանանց տոների միամսյակ»,-ասաց նա:
Ազգագրագետի խոսքով, Հայաստանում Ապրիլի 7-ը որպես մայրության եւ գեղեցկության օր վերջին տարիներին են սկսել ավելի շատ տոնել, ըստ նրա` երիտասարդ սերունդն ավելի շատ է կարեւորում այդ տոնը, քան մեծ սերունդը. «Ապրիլի 7-ը մեզ մոտ նոր-նոր է արմատներ գցում, Երիտասարդ սերունդը ապրիլի 7-ը փորձում է ավելի լավ ճանաչել ու տոնել այն, որը շատ ողջունելի է»:
Արմենուհի Ստեփանյանը նշեց, որ Ապրիլի 7-ը կապված է Աստվածամոր անվան հետ, այդ օրը հրեշտակները նրան հայտնել են, որ 9 ամսից կմայրանա եւ Հայաստանում այն սկսել են տոնել որպես մայրության օր:
1
2
3
4
5
1
2
3
4
5
1
2
3
4
5
