Արգենտինայում «Ողջ մնացածը» ֆիլմի նկարահանումների վայր տանող երթուղին ժողովրդականություն է ձեռք բերում
Հասարակություն
«Ողջ մնացածը» (The Revenant) ֆիլմը մեծ հայտնիություն է բերել Արգենտինայում զբոսաշրջային նոր երթուղուն: «Օսկար» կինոմրցանակի հանձնման արարողությունից հետո այս հարավամերիկյան հանրապետության ամենահարավ ուղեւորվող ճանապարհորդները սկսել են գնալով ավելի հաճախակի իրենց պարտադիր ծրագրի մեջ ներառել ֆիլմի նկարահանումների վայրը:
Աշխարհի տարբեր ծայրերից զբոսաշրջիկները ձգտում են դեպի Օլիվիա փոքրիկ գետի ափը, որն Ուշուայայից` Հրե Երկիր նահանգի մայրաքաղաքից մի քանի կմ-ի վրա է: Այս պահին միայն ոտքով է հնարավոր հասնել այնտեղ, բայց զբոսաշրջային ընկերություններն արդեն իրենց մոտ նշել են երթուղու ժողովրդականությունը եւ մտածում են, թե ինչ անեն բոլոր ցանկացողների համար այն ավելի մատչելի դարձնելու համար, հայտնում է ՏԱՍՍ-ը:
Նշենք, որ «Ողջ մնացածը» ֆիլմի նկարահանող խումբը ստիպված էր եզրափակիչ տեսարանի նկարահանման համար Արգենտինայի հարավ ուղեւորվել եղանակի կամակորությունների պատճառով: Ֆիլմի նկարահանումները գրեթե ամբողջությամբ ընթացել են ԱՄՆ-ում եւ Կանադայում, սակայն գարնան վաղաժամ գալուստի պատճառով չի հաջողվել ֆիլմը մինչեւ վերջ այնտեղ նկարահանել:
1
2
3
4
5
1
2
3
4
5
1
2
3
4
5
