«Նույն ցեղասպան հրեշների ժառանգները նոր արյունալի արշավ են սկսել Արցախում եւ Հայաստանում». Ավետիք Չալաբյան
Քաղաքականություն
«Նեմեսիսի» արձանի մոտ «ՀայաՔվեն» ոգեկոչման արարողություն ու համերգ է կազմակերպել: «Նեմեսիս» գործողությունից ավելի քան 100 տարի անց նրա խորհուրդն ավելի քան արդիական է: Այս մասին այսօր կազմակերպված միջոցառման ժամանակ ասաց «Հայաքվե» նախաձեռնության համահիմնադիր Ավետիք Չալաբյանը:
Նրա խոսքով, մեր ժողովուրդն այսօր կարիք ունի արդարության, իրավունքների ու արժանապատվության վերականգնման:
«Այսօր նույն ցեղասպան հրեշների ժառանգները հայ ժողովրդի դեմ նոր արյունալի արշավ են սկսել Արցախում եւ արդեն Հայաստանում: Մենք պետք է համախմբվենք եւ պայքարը շարունակենք»,-ասաց Չալաբյանը:
«Հայաքվե» նախաձեռնության անդամ Մենուա Սողոմոնյանի խոսքով, իրենք տեղում են ոչ միայն հայ վրիժառուներին ոգեկոչելու, այլեւ ցույց տալու համար, որ ոչ միայն անձնական, այլեւ ազգային արժանապատվությունը պետք է կարեւոր լինի:
«Մեր կրթական, մշակութային քաղաքականության մեջ այդ գիծը միշտ պետք է ներկա լինի, մարդուն բացի իր անձնական արժանապատվությունից, որի համար ինքը պատրաստ է զրկանքներ կրել, շատ կարեւոր է նաեւ հավաքական արժանապատվությունը»,-ասաց նա:
Գոհար Հակոբյան
1
2
3
4
5
3
5
1
3
4
