Շաբաթը ասպիրինի երկու հաբը պաշտպանում են քաղցկեղից

Շաբաթը ասպիրինի ընդամենը երկու հաբի օգտագործումը կարող է ուռուցքներից պաշտպանություն ապահովել: Փորձագետները պարզել են, որ ստամոքսի եւ աղիների քաղցկեղի զարգացման ռիսկի խմբում գտնվող մարդիկ կարող են սկսել կանխարգելիչ նպատակներով ասպիրին ընդունել, եթե բժիշկները դեմ չեն դրան: 

Massachusetts General Hospital-ի հետազոտողները վերլուծել են 32 տարեկանից փոքր   136 000 հիվանդի մասին տվյալներ: Պարզվել է, որ կանոնավոր կերպով ասպիրին օգտագործած մարդիկ 3 տոկոսով ավելի հազվադեպ են բախվել քաղցկեղի որեւէ տարատեսակի: Սակայն տվյալ արդյունքը առավել նկատել է եղել ստամոքսի եւ աղիների քաղցկեղից պաշտպանության պարագայում, երբ ռիսկը համապատասպանաբար նվազել է 15 եւ 19 տոկոսով:

Հետազոտողները պնդում են, որ իրենց ստացած ապացույցները լիովին բավարար են, որպեսզի նրանք, ովքեր աղիների կամ ստամոքսի ուռուցքով հիվանդացման ընտանեկան պատմություն ունեն, սկսեն կանխարգելիչ նպատակներով օգտագործել այն: Բայց ասպիրին պետք է ընդունել միայն բժշկի հետ համաձայնեցնելուց հետո: 

Վերջին տարիներին այդ դեղամիջոցը, որը տարածված է եւ իր արժեքով շատ մատչելի, սկսել է արտադրվել որպես հրաշագործ միջոց մի շարք հիվանդությունների կանխարգելման համար: Միլիոնավոր մարդիկ կանոնավոր կերպով ասպիրին են խմում ուղեղի ու սրտի կաթվածների վտանգի նվազեցման համար: Համարվում է, որ դեղամիջոցն ամրապնդում է բեղմնավորությունը եւ նույնիսկ պաշտպանում է ձեռքբերովի թուլամտությունից:  Ասպիրինի` քաղցկեղից պաշտպանելու կարողությունը բացատրվում է դեղամիջոցի` արյունը ջրիկացնելու կարողությամբ: Օրգանիզմի համար հաճախ բարդ է լինում պաշտպանվել քաղցկեղային բջիջներից, որովհետեւ արյան մեջ տրոմբոցիտները կպնում են դրանց եւ չարորակ բջիջների համար ավելի հեշտ է լինում իմունային համակարգից պաշտպանվելը: