Նոր պահանջներ` Բաքվից․ ի՞նչ են պահանջում Մայր օրենքի փոփոխությունից բացի

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ադրբեջանը շարունակում է միջազգային հանրությանը ներկայացնել Հայաստանի հետ խաղաղության հաստատման օրակարգի մասին, առաջ քաշելով պայմանագրի 17 կետերից դուրս իր պահանջները, որը չկատարելու դեպքում, Ալիևի խոսքով, Հարավային Կովկասում խաղաղություն չի լինելու։ 

«Եթե նախկինում խոսվում էր միայն Մայր օրենքի փոփոխության մասին, ապա Ալիևի պահանջներն օր օրի ավելանում են։ Ադրբեջանի արտգործնախարարությունը հայտարարություն է տարածել՝ կրկին պահանջելով Հայաստանի Սահմանադրության փոփոխություն, ինչպես նաև ականապատ տարածքների 100%-անոց քարտեզը։ Դրան զուգահեռ այդ երկրի ՊՆ-ն շարունակում է հաղորդել զինադադարի խախտումների մասին։ 

Հատկանշական է, որ Ադրբեջանը հայկական կողմին սահմանային կրակոցների մասին սկսեց մեղադրել մարտի 13-ին, երբ Հայաստանն ու Ադրբեջանը հայտարարեցին խաղաղության համաձայնագրի տեքստը համաձայնեցնելու մասին»,- MediaHub-ի հետ զրույցում ասաց վերլուծաբան Գեորգի Իսրայելյանը։

Երեկ Ադրբեջանի ԱԳՆ պաշտոնական ներկայացուցիչ Այհան Հաջիզադեն հայտարարել է, որ Հայաստանի տրամադրած ականապատ տարածքների քարտեզների ճշգրտությունը կազմել է 25%, հանքարդյունաբերության վտանգի եւ հանքարդյունաբերության գործունեությանն օժանդակության մասին:

«Չնայած Հայաստանը միջազգային ճնշումից հետո տրամադրել է որոշ քարտեզներ, դրանք ընդգրկել են մինապատ տարածքների միայն մի փոքր մասը եւ ընդամենը 25 տոկոսն էին ճշգրիտ»,֊ շեշտել է նա։ 

Նրա խոսքով՝ չնայած Հայաստանի քարտեզները ցույց են տալիս Ադրբեջանում մոտ 400 հազար ականների տեղակայում, փաստացի թիվը իբրև թե մոտենում է 1,5 միլիոնին: Իսրայելյանի համոզմամբ, Ադրբեջանը պատրվակներ է փնտրում խաղաղության պայմանագիրը չեղարկելու, կամ առնվազն դա երկարացնելու համար։ 

Հաջիզադեն տեղական լրատվամիջոցներին ասել է, որ միջազգային հանրությունը պետք է ճնշումներ գործադրի Հայաստանի վրա՝ ականապատ տարածքների սպառնալիքը դատապարտելու ուղղությամբ, իբրև դրանով պայմանավորված նրանք չեն կարողանում ապահովել ներքին տեղահանվածների անվտանգ վերադարձը և տուժած շրջանների վերականգնումը։ 

«Ես համոզված եմ, որ Սահմանադրության փոփոխությունից զատ այս և այսօրինակ պահանջներ դեռ շատ է առաջ քաշելու Բաքուն, քանի որ այդ երկրում դեռ պատրաստ չեն Հայաստանի հետ խաղաղության։ Իսկ դրան հասնելու Փաշինյանի ձգտումը միակ բանն է, որին ես հավատում եմ։ Մենք կարող ենք շատ ու շատ հարցերում հիմավոր պատճառներով մեղադրել նրան, Նիկոլ Փաշինյանը թույլ ղեկավար է, ձախողել է բանակցությունները, հանձնել է Արցախը, վտանգի տակ է դրել Հայաստանի գոյությունը, ներքին ու արտաքին անվտանգությունը, պատերազմն Արցախից տեղափոխել է ՀՀ սահմաններ, տարանջատումներ է արել, անհամերաշխություն է սերմանել, ստախոս է, բայց խաղաղության հասնելու նրա ցանկությանը հավատում եմ, բայց վստահ եմ, խաղաղություն այդպես էլ չի՛ լինելու, քանի դեռ միջազգային հանրությունը լուրջ վերաբերմունք չունի Հայաստանի ղեկավարի նկատմամբ»,- ասաց մեր զրուցակիցը:

Հունան Թադևոսյան