Օղակաձև զբոսայգու չորրորդ հատվածի ներդրումային ծրագիրը լրամշակման փուլում է
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երևանի քաղաքապետի խորհրդական Սոնա Թևանյանը գործակարգավարական խորհրդակցության ժամանակ անդրադարձավ Օղակաձև զբոսայգու չորրորդ հատվածի ներդրումային ծրագրին՝ տեղեկացնելով, որ տարածքը հանրային գերակա շահ ճանաչելու մասին նախագիծն արդեն մեկ անգամ քննարկվել է Կառավարության նախարարական կոմիտեի նիստին, և որ ներկայումս լրամշակման փուլում է:
«Դրան զուգահեռ տարածքում առկա գույքերի օտարման գործընթացն արդյունավետ կազմակերպելու նպատակով «Երևաննախագիծ» ընկերության կողմից իրականացվել է գույքի նոր չափագրություն՝ նպատակ ունենալով համադրելու վկայականներում առկա սխեմաների հետ, որպեսզի պարզ դառնա՝ արդյոք տարածքում առկա գույքերն ինքնակամ եղանակով ընդլայնվե՞լ են, կամ դրանց վերաբերյալ այլ փոփոխություններ արվե՞լ են»,- ասաց նա:
Քաղաքապետ Տիգրան Ավինյանն արձագանքեց՝ վկայականների համադրումից հետո «Երևաննախագիծ» ընկերությունը պետք է ներկայացնի համառոտ տեղեկատվություն, ապա հավելեց. «Բայց սա ընդհանուր առմամբ գերակա շահի որոշման պրոցեսին չպետք է խանգարի»:
Քաղաքապետը նկատեց, որ տարածքում նաև 1 գույքի հետ կապված խնդիր կա: Քաղաքապետի խորհրդականն արձագանքեց. «Այդտեղ մի գույք կա, որն ապօրինի գույքի բռնագանձման ընթացակարգով քննության առարկա է: Այդ գույքը ցանկում ներառելու, հետագայում գերակա շահ ճանաչելու և զուգահեռաբար դատախազության և դատաիրավական մարմինների կողմից ընթացակարգերի արդյունքներով պայմանավորված՝ մենք պետք է Դատախազությունից ստանանք տեղեկատվություն: Գրությամբ դիմել ենք, որպեսզի հասկանանք՝ այդ գույքի նկատմամբ ինչ ռեժիմ պետք է գործի:
Ենթադրաբար, այդ փոխհատուցման գումարը պետք է դեպոզիտում սառեցվի՝ հետագայում հասկանալու համար»:
Քաղաքապետն առաջարկեց գերակա շահի որոշումն առաջ տանել և հարցը կրկին քննարկել կոմիտեում:
1
2
3
4
5
2
3
4
5
