«Խոզնավարում կրկին կրակոցների ձայներ են լսվել»․ բնակիչ
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գիշերը Սյունիքի Խոզնավար գյուղում կրկին կրակոցների ձայներ են լսվել։ Հայտնում է ABC media–ն՝ հղում կատարելով գյուղի բնակիչներից Մարգարիտա Հարությունյանին։ Նա պատմել է, որ կրակոցները եղել են մարտի 26-ի գիշերը՝ ժամը 22:30-ին, կեսգիշերն անց, իսկ մյուս կրակահերթն էլ մարտի 27-ին՝ առավոտյան 4:30-ի մոտակայքում:
«Մեծահասակների համար արդեն սովորական է դարձել, հիմնականում գյուղի փոքրներն են վախենում: Գյուղի տղամարդիկ տեսել են, որ երեկոյան ԵՄ դիտորդներն են ժամանել, ասում են՝ ամբողջ գիշեր դիրքերում են անցկացրել»,–պատմել է Մարգարիտա Հարությունյանը:
Բնակիչի խոսքով՝ մարդկանց տներից ու կտուրներից փամփուշտների դատարկ պարկուճներ են գտել, ու տարել գյուղապետարան, թեպետ իրենց էլ են հասել լուրերը, որ ադրբեջանցիները միայն օդ են կրակում:
«Այս վիճակն արդեն մի քանի օր է՝ շարունակվում է, նոր բան չէ: Միակ տարբերությունն այն է, որ այս գիշեր մի փոքր կարճ է տևել կրակահերթը»,- մանրամասնել է Մարգարիտա Հարությունյանը:
Հետևեք մեզ՝ այստեղ
1
2
3
4
5
1
2
3
4
5
1
2
3
4
5
