Հայաստան մասնակցում է «Կինոյի լաբորատորիա» կրթական ֆորումին

Ֆորումը տեղի է ունենում մարտի 14-ից 20-ը Մոսկվայի մարզի Միտիշչի քաղաքային շրջանում՝ «Հաղթանակ 9/45» միջազգային շարժման շրջանակներում:

Նրա նպատակը երիտասարդ ռեժիսորներին և սցենարիստներին օգնելն է ստեղծել ֆիլմեր Մեծ Հայրենական պատերազմի մասին՝ պահպանելու պատմական հիշողությունը, ամրապնդելու ազգային ինքնությունը և խթանելու մայրցամաքի ժողովուրդների մշակութային ժառանգությունը:

«Կինոյի լաբորատորիայի» հանդիսավոր բացման արարողությունը տեղի ունեցավ մարտի 15-ին։ Միջոցառմանը մասնակցել է ՌԴ Պետդումայի փոխխոսնակ, «Հաղթանակ 9/45» շարժման կազմակերպչական կոմիտեի նախագահ Բորիս Չերնիշովը։

Ֆորումի շրջանակներում հավաքվել են ավելի քան 150 կինեմատոգրաֆիստներ Աբխազիայից, Հայաստանից, Բելառուսից, Ղազախստանից, Ղրղզստանից, Մոլդովայից, Տաջիկստանից և Ուզբեկստանից։ Նրանք ուսումնասիրելու են կինոարվեստի հիմունքները և սովորելու են ռազմական տարիների սխրանքների մասին պատմել կինոյի լեզվով:

Մասնակիցների համար կազմակերպվել են վարպետության դասեր, դասախոսություններ, գործնական պարապմունքներ և այլ միջոցառումներ։

«Կինոյի լաբորատորիայի» շրջանակներում ամեն օր անցկացվելու են կինոյի պատմության վերաբերյալ դասեր՝ ընդգրկելով ֆիլմերի ստեղծման հիմնական փուլերը. պրոդյուսերական աշխատանք, ռեժիսուրա, սցենարի ստեղծում, օպերատորական և դերասանական վարպետություն, մոնտաժ և ձայն: Մասնակիցների առջև ելույթ են ունենալու դերասաններ և արվեստի գործիչներ, այդ թվում՝ Ռուսաստանի վաստակավոր արտիստ և հաղորդավար Ալեքսանդր Օլեշկոն և ռեժիսոր Ալեքսեյ Գերման Կրտսերը:

Եվրասիայի երիտասարդ կինեմատոգրաֆիստների ասոցիացիայի (ԵԿԱ) անդամները հնարավորություն կունենան մասնակցելու մրցույթի՝ նվիրված Մեծ Հայրենական պատերազմի իրադարձությունների հիշատակին արտացոլող հայրենասիրական ստեղծագործական տեսահոլովակի ստեղծմանը: Հաղթողները կստանան մրցանակներ՝ տեսագրող սարքավորումների տեսքով: Մրցույթի արդյունքները կհրապարակվեն Հաղթանակի 80-ամյակի օրը՝ 2025 թ․ մայիսի 9-ին:

Միջոցառման վերջին օրը «Կինոլաբորատորիայի» մասնակիցները կհարգեն հերոսների հիշատակը՝ այցելելով Կարմիր հրապարակ և ծաղիկներ դնելով Հավերժական կրակի մոտ:

Կազմակերպչի մասին «Եվրասիա» ԻՀԿ-ն (ինքնավար ոչ առևտրային կազմակերպություն) նպաստում է միջազգային համագործակցության զարգացմանը։ Կազմակերպությունը իրականացնում է հումանիտար ծրագրեր, որոնք ուղղված են ավանդական արժեքների պահպանմանը և միջազգային հաղորդակցության զարգացմանը։ «Եվրասիա»-ն աջակցում է հասարակության համար կարևոր նախաձեռնություններին, հաղորդակցության հնարավորություն է ընձեռում տարբեր մշակույթների մարդկանց և իրականացնում նախագծեր կրթության, բժշկության և երիտասարդական փոխանակման ոլորտներում։