«Քինդ դելյուքսը» Գագիկ Ծառուկյանի համար բիզնես տեսանկյունից հետաքրքրություն չի ներկայացնում
Հասարակություն
Այսօր մամուլում բաց նամակի տեսքով հրապարակում էր տեղ գտել։ Նամակում նշվում էր, որ Գագիկ Ծառուկյանի «բարեգործական երթուղու» իրական նպատակը եղել է «Քինգ դե լյուքս» ընկերությունը սնանկացնելն ու այն գնելը: Նամակում նաև ասվում էր, որ երթուղու իրական գնորդը լինելու է ոչ թե Գագիկ Ծառուկյանը, այլ Գագիկ Բեգլարյանը։ Այս առնչությամբ Գագիկ Ծառուկյանի մամուլի խոսնակ Իվետա Տոնոյանը հանդես է եկել հայտարարությամբ.
«Առաջ քաշվող տեսակետը կատարյալ հիմարություն է, և իրականությանը չի համապատասխանում: Գագիկ Ծառուկյանն իր բիզնես գործունեության բոլոր ոլորտներում կատարյալ հաջողություն է ունեցել և մշտապես այդ բիզնեսները ստեղծել և կայացրել է զրոյից, նորովի է կառուցել ու զարգացրել, և իրականում «Քինգ դե լյուքս» ընկերությունը բիզնես տեսանկյունից Ծառուկյանի համար ոչ մի հետաքրքրություն չի ներկայացնում: Նա կարող է նույն երթուղիները սպասարկող նոր ընկերություն հիմնել, որը բարձր որակի ծառայություններ կմատուցի ազգաբնակչությանը: Իսկ ինչ վերաբերում է Գագիկ Բեգլարյանի անունը շահարկելուն, ապա կարծում եմ՝ դա ևս երևակայական դաշտից է, քանզի երբևէ նրա կողմից նման ցանկություն չի արտահայտվել և հանրությանը ծանոթ չէ»։
1
2
3
4
5
1
2
3
4
5
1
2
3
4
5
