«Ստյոպա և ընկերներ» կորպորացիան՝ ճղճիմության ճիրաններից այն կողմ․ Կարինե Դալլաքյան

Կարինե Դալլաքյանը ֆեյսբուքյան իր էջում գրել է․ 

Նախանձ, մաղձ, փոքրոգիություն, ատելություն, մարդուն-տղամարդուն ոչ բնորոշ ճղճիմություն, ահա այս ամենը կարելի է նկատել վերջին օրերին ակտիվորեն շարունակվող քննարկումներում՝ Բելառուսում ձերբակալված, և ի ուրախություն «բոլորիս» Հայաստան վերադարձված բլոգեր Բելլայի անվան շուրջ:

Հասկանալու համար, թե ինչու բոլորիս բառը առաջին նախադասության մեջ անկասկած պետք է առնել չակերտների մեջ, բավական է հեռվից նայել Ստյոպա Սաֆարյանի գումարած «ընկերներ»-ի մաղձը այս երիտասարդ կնոջ հանդեպ:

Թվում է թե իրավիճակը պարզ է, հերթական հայ անձը թիրախավորվել է Հայաստանից դուրս, ձերբակալվել և ազգային միասնության, ու մասնավորապես՝ Գագիկ Ծառուկյանի անձնական կապերով, ջանքերով ազատ է արձակվել: Անկեղծ հայ մարդը պարզապես չի կարող ուրախ չլինել իրադարձությունների նման ավարտից: Բայց արի ու տես,որ երիտասարդ հայուհու ազատությունը Ստյոպայի սրտով չէ, նա կնախընտրեր տեսնել նրան օտարերկրյա բանտախցերում, անկարողության և թշվառության ճիրաններում:

Օրեր շարունակ կալանավորված հայ աղջկա մասին ոչ մի տառ հնարավոր չէ գտնել Ստյոպայի ֆեյսբուքյան սյունակում, զրո կարեկցանք, զրո աջակցություն, զրո անհանգստություն, ջայլամի քաղաքականություն քաղաքագիտության գիգանտ Ստյոպա Սաֆարյանի կողմից:

Միայն թե Գագիկ Ծառուկյանի անունը դրական երանգով չհոլովվի, «գրողի ծոցը» Բելլան էլ, հայի պատիվն, էլ ամբողջ հայ ազգն էլ:

Եվ ի՞նչ հաջորդեց, արդարության զգացումը ստիպեց Բելլային ասել այն, ինչ օրեր առաջ տեսել էինք բոլորս և իհարկե ասել բաներ, որոնք հավանաբար գուցե և չասվեին, եթե «Ստյոպիկ և ընկերներ» կորպորացիան ի վերջո հանգիստ թողներ այս աղջկան:

Մինչդեռ Ստյոպա Սաֆարյանի տեքստերից գարնանային հորդառատ անձրևների պես դուրս է հորդում պարզ, սովորական մարդկային նախանձը, այն որ ինչ-որ մեկը մի քիչ ավելի է ընդունակ, քան ինքն ու իր «ընկերները»:

Ձեր գնացքը գնացել է այդպես էլ չժամանած հարգելի «հայրենասերներ»:

Այլոց վաստակը քննադատելու փոխարեն ինքներդ ձեզ նայեք, փորձեք պաշտպանվել սեփական թույնից, փորձեք գոնե մի փոքր օգուտ տալ խնդրի առաջանալու հենց սկզբից, այլ ոչ թե սպասեք, երբ ամեն ինչ արդեն արված կլինի՝ փորձեք վերմակը ձեր վրա քաշել։

Ճշմարտությունը բացահայտված է վաղուց, ինչն էլ չգիտեինք բլոգեր Բելլան պարզ ներկայացրել է, էնպես որ սառը ջուր խմեք և հանգի՛ստ նստեք տեղներդ։