Ռուսաստանում բացվել է գործակալություն՝ տարեց մոդելների համար (ֆոտոշարք)

Life.panorama.am-ը գրում է.

Յասմինա Ռոսսին, Հելենա Նորովիչը, Նիկոլա Գրիֆֆինը, Դաֆնա Սելֆը և այլ կանայք, նայելով մեզ՝ հայտնի ամսագրերի   շապիկներից, ամեն օր ապացուցում են, որ տարեց կինը շատ գեղեցիկ է։

Ռուսաստանում այս առումով ավելի հեռուն են գնացել և ստեղծել են մոդելային գործակալություն բացառապես տարեց մոդելների համար։ Գաղափարի հեղինակը  Իգոր Գավարն է, որը ժամանակին վարում էր գեղեցկության մասին բլոգ Oldyshka անվամբ։

Իր Facebook-յան էջում Գավարը նշել է, որ վերջին երկու տարում իր բլոգի հերոսները հասցրել են աշխատել այնպիսի ամսագրերի համար, ինչպիսիք են «Афиша»-ն, Buro 24/7-ը, Bosco Magazine-ը, Office Magazine-ը, Design Scene Magazine-ը, և այնպիսի բրենդների համար, ինչպիսիք են Cyrille Gassiline-ը, Sony-ն, Training & Development Group-ը, AES+F-ը և այլն։ Այսպիսի տպավորիչ պորտֆոլիոյով մնում էր միայն բացել բլոգին համանուն մոդելային գործակալություն, ինչն էլ և իրականություն է դարձել։

«Մոդելային գործակալության միտքը հասունացել էր և այսօրվանից մենք արդեն գործում ենք։ Մեծ շնորհակալություն ընկերներին և համախոհներին, ովքեր օգնեցին իրականացնել այս միտքը։ Ընկերներ, դուք ամենալավն եք»,- գրել է  Իգոր Գավարը։

Ներկայումս գործակալությունը ունի 7 մոդելներ։