Մատուցողուհու սպանության գործով արդեն մի քանի ամիս է` հեռախոսազանգերի վերծանումներն են ուսումնասիրվում
Հասարակություն
Մատուցողուհի Մարիամ Հունանյանի սպանության գործի քննությանն արդեն մի քանի ամիս է` դատարանը ամբաստանյալ Դավիթ Թամրազյանի հեռախոսազանգերի վերծանումներն է հետազոտում:
Ամբաստանյալի պաշտպան Կրոմվել Գրիգորյանը NEWS.am-ի հետ զրույցում ասաց, որ ելքային զանգերի հետազոտումը ավարտին է հասնում, դատարանը դեռ պետք է հետազոտի նրա մուտքային զանգերը նույնպես` 6 ամսվա կտրվածքով:
«Ապացուցվում է, որ տուժողի վարձով բնակարանում Դավիթը չի էլ եղել ոչ սպանության օրը, որ ընդհանրապես»,- ասաց պաշտպանը:
Նշենք, որ հեռախոսազանգերի վերծանումները 106 էջից են բաղկացած:
Նշենք, որ Դավիթ Թամրազյանին մեղադրանք է առաջադրվել այն բանի համար, որ նա, վիրավորված լինելով իր հետ հարաբերությունները խզած Մարիամ Հունանյանից, 2013թ. մայիսի 7-ին գնացել է Մարիամ Հունանյանի բնակարան, ասել, թե իբր անակնկալ նվեր ունի նրան տալու, խնդրել է աչքերը փակել և իր մոտ եղած խոհանոցային դանակով կտրել է Մարիամ Հունանյանի կոկորդը, ինչի հետևանքով աղջիկը տեղում մահացել է: Բացի այդ, հանցագործության հետքերը թաքցնելու նպատակով հրկիզել է դեպքի վայր հանդիսացող բնակարանը՝ սեփականատիրոջը պատճառելով 680.437 ՀՀ դրամի գույքային վնաս:
Նշենք, որ տուժողը մատուցողուհի է աշխատել այն հյուրանոցում, որտեղ նախկինում աշխատել է ամբաստանյալը:
1
2
3
4
5
1
2
3
4
5
1
2
3
4
5
