Վրաերթ՝ Մարտունիում, 15-ամյա երեխան մաhացել է
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հունվարի 29-ին՝ ժամը 16:20-ի սահմաններում Մարտունու Սայաթ-Նովա փողոցում վրաերթի ենթարկված 15-ամյա տղա երեխան երեկ՝ փետրվարի 7-ին, հիվանդանոցում մահացել է։ Այդ մասին MediaHub-ին հայտնում են ՀՀ ՆԳՆ Ոստիկանությունից։
Դեպքից անմիջապես հետո տղա երեխային նախ տեղափոխել էին Մարտունու ԲԿ, այնուհետև Երևանի Սուրբ Աստվածամայր հիվանդանոց։ Այնտեղ էլ տղան, գիտակցության չգալով, մահացել է։
MediaHub-ի տեղեկություններով՝ վրաերթի ենթարկված տղան Հակոբ Հակոբյանն է։ Տղան երաժիշտ էր, փողային գործիքներ էր նվագում։ Սովորում էր Մարտունու Սարիբեկ Դարբինյանի անվան հիմնական դպրոցում։
«Մեծ է կորուստը և դժվար է սփոփանքի խոսքեր գտնելը, որ այս պահին կմեղմի կորստյան ցավը։ Հակոբը իր ներկայությամբ ջերմություն ու բարություն էր սփռում բոլորիս շուրջ։ Նրա թողած հիշողությունները կապրեն մեր դասասենյակներում, միջանցքներում ու յուրաքանչյուրիս հոգում։ Դպրոցի մանկավարժական ու աշակերտական հանրույթի, ողջ անձնակազմի, ինչպես նաև Մարտունու ամբողջ հասարակության անունից խորին ցավակցություն ենք հայտնում ծնողներին, հարազատներին ու մերձավորներին։ Թող Աստված լույսի և խաղաղության մեջ պահի կյանքով լեցուն Հակոբի հոգին և մխիթարություն ու սփոփանք շնորհի բոլորիս։ Հակո՛բ ջան, քո լույսը երբեք չի մարի մեր սրտերում»,- նշված է դպրոցի տարածած հաղորդագրությունում։
Նշենք, որ տղայի վրաերթի դեպքի առնչությամբ քրեական վարույթ է նախաձեռնվել։
Նարե Գնունի
Հետևեք մեզ՝ այստեղ
1
2
3
4
5
1
2
3
4
5
2
