Պուտինն աջակցություն է հայտնել «Պաշտպանական համակարգերին» Հայաստանի անդամակցմանը
Header
ՌԴ նախագահ Վլադիմիր Պուտինն ընդունել է Բելառուսի հետ ստեղծված միջապետական ֆինանսաարդյունաբերական «Պաշտպանական համաարգեր» խմբին Հայաստանի անդամակցության նպատակով Հայաստանի հետ բանակցությունների անցկացման առաջարկը:
Համապատասխան հրահանգը չորեքշաբթի տեղադրվել է իրավական տեղեկատվության պաշտոնական պորտալում:
«Ընդունել ՌԴ կառավարության առաջարկը միջպետական ֆինանսաարդյունաբերական «Պաշտպանական համակարգեր» խմբի ստեղծման վերաբերյալ ՌԴ-ի եւ Բելառուսի Հանրապետության կառավարությունների միջեւ կնքված համաձայնագրին Հայաստանի Հանրապետության կառավարության միացման վերաբերյալ համաձայնագրի կնքման նպատակով Հայաստանի հետ բանակցություններ անցկացնելու մասին», — ասված է փաստաթղթի տեքստում, տեղեկացնում է «ՌԻԱ Նովոստին»:
Բաց աղբյուրների տվյալներով, «Պաշտպանական համակարգեր» ԲԲԸ-ն ստեղծվել է դեռեւս 1996-ին գլխամասային կոնստրուկտորական բյուրոների, գիտահետազոտական ինստիտուտների եւ սերիական ձեռնարկությունների` առարկայական ՀՕՊ միջոցների եւ համակարգերի նախագծողների եւ պատրաստողների կողմից: Զուգահեռաբար գործում է համանուն ռուս-բելառուսական միջպետական ֆինանսաարդյունաբերական խումբը, որը ստեղծվել է բաժնետիրական ընկերության հիմքի վրա:
1
2
3
4
5
1
2
3
1
2
3
5
