ՌԴ-ն գիշերը երկրորդ խոշոր հարձակմանն է ենթարկվել
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հունվարի 29-ի գիշերը ՀՕՊ համակարգերը 104 անօդաչու թռչող սարք են խոցել Ռուսաստանի շրջանների վրայով, հայտնում է ՌԴ ՊՆ մամուլի ծառայությունը։ Սա տարեսկզբից ի վեր երկրորդ խոշոր հարձակումն է։
Զինվորականները Կուրսկի շրջանի տարածքում ամենաշատ անօդաչու թռչող սարքեր են խոցել՝ 47, 27 անօդաչու թռչող սարք է ոչնչացվել Բրյանսկի շրջանի, 11-ը՝ Սմոլենսկի շրջանի, յոթը՝ Տվերի և 4-ը՝ Բելգորոդի շրջանում։ Նիժնի Նովգորոդի և Կալուգայի շրջանների վրա խոցվել է երեք անօդաչու թռչող սարք, մեկը՝ Ռոստովի և Լենինգրադի մարզերում։
Ավելի վաղ հաղորդվել էր, որ Սմոլենսկի շրջանը գիշերը ենթարկվել է անօդաչու թռչող սարքերի զանգվածային հարձակման, անօդաչուներից մեկը փորձել է գրոհել միջուկային էներգիայի օբյեկտը։ Իսկ Նիժնի Նովգորոդի մարզում հրդեհ է բռնկվել Կստովսկայա արդյունաբերական գոտում գտնվող ձեռնարկությունում՝ անօդաչու թռչող սարքից բեկորների անկումից հետո։
Հետևեք մեզ՝ այստեղ