ԱՄՆ-ն իր քաղաքացիներին Բելառուսից անհապաղ հեռանալու կոչ է արել
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ պետդեպարտամենտն ամերիկացիներին կոչ է արել հեռանալ Բելառուսից։
Գերատեսչության կայքում ասված է, որ Միացյալ Նահանգների քաղաքացիները պետք է չմեկնեն այդ հանրապետություն, իսկ արդեն այնտեղ գտնվողները «պետք է անհապաղ հեռանան երկրից»։
Պատճառների շարքում նշվում են Բելառուսի աջակցությունն Ուկրաինայում հատուկ ռազմական գործողությանը, բռնվելու վտանգը, քաղաքացիական անկարգությունների հնարավորությունները եւ ԱՄՆ քաղաքացիներին օգնություն ցուցաբերելու դեսպանության սահմանափակ հնարավորությունները։
«ԱՄՆ քաղաքացիները պետք է կանոնավորապես վերանայեն մեկնելու հնարավոր պլաններն՝ արտակարգ իրավիճակի դեպքում։ Սահմանային անցումները հարեւան պետությունների հետ երբեմն փակվում են առանց նախնական ծանուցման։ Հնարավոր են դիվանագիտական անցագրերի չեղարկումներ Լիտվայի, Լեհաստանի, Լատվիայի եւ Ուկրաինայի հետ սահմանին»,- նշվել է պետդեպարտամենտի ծանուցման մեջ։
Մինսկում ԱՄՆ դեսպանության աշխատանքը դադարեցվել է 2022թ. փետրվարի 28-ին։ Պետդեպարտամենտի կարգադրությամբ տարհանվել են աշխատակիցները, դադարեցվել է ծառայությունների տրամադրումը։ Օգնության կարիք ունեցող ԱՄՆ քաղաքացիներին առաջարկվում է դիմել հարեւան երկրներում ԱՄՆ դեսպանություններ եւ հյուպատոսություններ։
1
2
3
4
5
1
3
4
5
1
2
3
4
5
