Ավետիք Իսահակյանի ծննդյան հոբելյանական միջոցառումների կազմակերպման նպատակով ԿԳՄՍ նախարարությունը հավաքագրում է առաջարկներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հաջորդ տարի լրանում է բանաստեղծ, արձակագիր, թարգմանիչ, հրապարակախոս, մշակութային գործիչ Ավետիք Իսահակյանի ծննդյան 150-ամյա հոբելյանը: Կրթության, գիտության, մշակույթի և սպորտի նախարարությունից հայտնում են, որ անվանի մտավորականի ծննդյան հոբելյանական միջոցառումները կազմակերպելու նպատակով նախատեսվում է ստեղծել պետական հոբելյանական հանձնաժողով: 

Հոբելյանական միջոցառումները պատշաճ կազմակերպելու համար ԿԳՄՍ նախարարությունը հավաքագրում է առաջարկներ:

Առաջարկներն անհրաժեշտ է ներկայացնել ՀՀ կրթության, գիտության, մշակույթի և սպորտի նախարար Ժաննա Անդրեասյանին ուղղված գրությամբ մինչև 2025 թվականի հունվարի 30-ը: Ստացված առաջարկները քննարկելու է Ավետիք Իսահակյանի ծննդյան 150-ամյակի հոբելյանական միջոցառումները համակարգող պետական հանձնաժողովը: 

Հոբելյանական միջոցառումների առաջարկներ կարող են ներկայացնել գիտական, կրթական, մշակութային գործունեություն իրականացնող կազմակերպությունները՝ հայտերն ուղարկելով հետևյալ էլեկտրոնային հասցեներին՝ [email protected], [email protected]:

Առաջարկը պետք է ներառի՝

• Հակիրճ բովանդակություն (առավելագույնը 2 էջ)
• Նախահաշիվ,
• Տեղեկատվություն անցկացման վայրի և ժամկետների վերաբերյալ
• Տեղեկատվություն համաֆինանսավորման վերաբերյալ (առկայության դեպքում),
• Տեղեկատվություն դիմումատուի վերաբերյալ (կազմակերպություն, հասցե, էլ. հասցե, հեռախոսահամար):

Հարցերի դեպքում անհրաժեշտ է զանգահարել ԿԳՄՍՆ մշակութային ժառանգության վարչություն (հեռ.՝ +374 10 599 629, Երանուհի Մարգարյան):