Հունվարին մահացած 26-ամյա Արաքսյայի նորածին որդուն վիրահատել են (ֆոտո)
Երեւանի «Սուրբ Գրիգոր Լուսավորիչ» բժշկական կենտրոնում հունվարի 13-ին մահացած 26-ամյա Արաքսյա Դանիելյանի որդին, որ կեսարյան հատումով լույս աշխարհ էր եկել, շուտով դուրս կգրվի հիվանդանոցից: Այս մասին NEWS.am-ին հայտնեց փոքրիկի հայրը:
Երեխայի՝ Ռուբենի մոտ առողջական խնդիրներ են առաջացել, նրան վիրահատել են, այդ պատճառով հիվանդանոցից դուրս գրումը մի փոքր ձգձգվել է: Նրա վիճակը, բարեբախտաբար, այժմ լավ է:
Հիշեցնենք, որ փոքրիկը լույս աշխարհ էր եկել դեկտեմբերի 31-ին կեսարյան հատումով: Արաքսյան մահանալուց առաջ ամուսնուն խնդրել էր որդուն իր հոր անունով`Ռուբեն կոչել:
26–ամյա Արաքսյա Դանիելյանը մահացել է «Սուրբ Գրիգոր Լուսավորիչ» բժշկական կենտրոնում հունվարի 13-ին: Նա Արմավիր քաղաքից էր, դեկտեմբերի 26-ին ընդունվել է Արմավիրի բժշկական կենտրոն, 3 օր անց տեղափոխվել Երեւան: Նրա ամուսնու՝ Արցախ Քոչարյանի պնդմամբ՝ Արմավիրի բժշկական կենտրոնի բժիշկ-թերապեւտ Անդրանիկ Պապոյանը մի քանի օր շարունակ ստուգել է կնոջ թոքերը ու հավատացրել, որ ամեն ինչ կարգին է, մինչդեռ 3 օր անց, երբ իրենց պահանջով ռենտգեն հետազոտության է ենթարկել կնոջը, թոքաբորբ է ախտորոշել ու կնոջ բուժումը ուշացել է:
Նշենք, որ ըստ առողջապահության նախարարության հաղորդագրության՝ ծննդկանի մոտ լաբորատոր հետազոտությամբ գրիպի Ա տեսակի H1N1 չի հայտնաբերվել:
1
2
3
4
5
3
4
5
2
3
4
5
