Գլենդելում երկու հայեր մեղավոր են ճանաչվել Medicare-ի համակարգով ավելի քան 1 մլն դոլար լվանալու մեջ

ԱՄՆ Քալիֆոնիայի նահանգի Գլենդել քաղաքում երկու տղամարդ այս շաբաթ մեղավոր են ճանաչվել բժշկական ապահովագրության «Medicare» համակարգի միջոցով մեկ մլն դոլար գումար լվանալու մեջ:

Երեք օր տեւած դատական գործընթացից հետո, դաշնային դատարանը Կարեն Սարգսյանին մեղավոր է ճանաչել փողերի լվացման 6 դրվագներում, առողջապահական խարդախության 5 դրվագներում եւ փողերի լվացման նպատակով խարդախությանը մասնակից լինելու մեկ դրվագում:

Միաժամանակ, Էդգար Պողոսյանը, որը հայտնի է նաեւ որպես Էդգար Հակոբյան, մեղավոր է ճանաչվել փողերի լվացման եւ փողերի լվացման նպատակով խարդախությանն առնչություն ունենալու մեկական դրվագներում:

Երկուսի դատավճիռն էլ կհրապարկվի հունիսին:

Դատապան պաշտոնյաների խոսքով, Կարեն Սարգսյանն աշխատելէ Echo Park հիվանդանոցում, որտեղ բժշկի օգնական Տանյա Սմիթը 2009-2010 թվականներին պատվիրել է բժշկական տեսանկյունից անպետք ծառայություններ, ինչը թույլ է տվել «Medicare» համակարգին կեղծ մեղադրանքներ ներկայացրել ավելի քան 1,2 մլն դոլարի փոխհատուցման պահանջի վերաբերյալ:

Սմիթը նաեւ բժշկական տեսանկյունից անպետք  սարքավորումներ ու թեստեր է պատվիրել, որոնք նախատեսված էին Medicare-ի այլ մատակարարների համար, ինչը թույլ է տվել ավելի ուշ 10 մլն դոլարի կեղծ փոխհատուցման պահանջ ներկայացնել Medicare-ին: Սմիթը իրեն մեղավոր է ճանաչել մեղադրանքի 5 դրվագներով: Նրա դատավճիռը պետք է հրապարակվի մայիսին:

ԱՄՆ դատախազության տվյալներով, Կարեն Սարգսյանը ներգրավված է եղել 5 կեղծ կորպորացիաների միջոցով, խարդախ ճանապարհներով ձեռք բերված եկամուտների լվացման գործում: Այդ կեղծ կորպորացիաները ստեղծել են երկու անձինք, որոնք նույնպես մեղավոր են ճանաչվել այս գործով:

Նրանք միլիոնավոր դոլարներ են փոխանցել այդ կեղծ ընկերությունների հաշվին, որտեղից ավելի ուշ չեկեր են դուրս գրել իրենց եւ իրենց ազգականների (այդ թվում Էդգար Պողոսյանի) անուններով:

Էդգար Պողոսյանի հորեղբայրը՝ Խաչատուր Հակոբյանը, որն, ըստ դատախազների, գործարկել է այս սխեման, նախորդ ամիս դատապարտվել է 57 ամսվա ազատազրկման: Նա իրեն մեղավոր է ճանաչել առողջապահական համակարգով ստացված եկամուտների լվացման մեջ: Դատարանի որոշմամբ նա նաեւ պետք է 600 հազար դոլարի փոխհատուցում վճարի:

Այս գործով անցնող Գլենդելի մեկ այլ բնակիչ՝ Արամ Արամյանը դատապարտվել է 51 ամսվա ազատարկման եւ ավելի քան 350 հազար դոլար տուգանքից: