Արցախում առաջին անգամ անցկացվել է ՔՊ վիճակի համալիր գնահատման ուսումնավարժական միջոցառում

Ստեփանակերտում փետրվարի 22-26-ը անցկացվել է քաղաքացիական պաշտպանության` վիճակի համալիր գնահատման ուսումնավարժական միջոցառում: Ստեփանակերտի քաղաքապետարանում հրավիրված խորհրդակցության ժամանակ ամփոփելով կատարված աշխատանքի նախնական արդյունքները, ԼՂՀ ԿԱ արտակարգիրավիճակների ծառայության տնօրեն, գնդապետ  ԱրթուրՀարությունյանն, ընդհանուր առմամբ, գոհացնող է համարել կատարված աշխատանքը: «Համալիր գնահատումը սկսվել է շտաբայինուսումնավարժության անցկացումով, - նշել է ծառայության ղեկավարը։ -Համաձայն հաստատված պլանի՝ փետրվարի 22-ին ժամը 08.00-ին «Ղարս444» ազդանշանով համալիր գնահատմանն ընդգրկված Ստեփանակերտիքաղաքապետարանը, կազմակերպությունները և ՔՊ կազմավորումներըբերվել են «բարձր» աստիճանի պատրաստականության:Ուսումնավարժության մասնակից կազմին խնդիր է առաջադրվել մշակելքաղաք Ստեփանակերտի բնակչության տարահանման պլանը`սահմանված երեք տարբերակների համաձայն»:

Նրա խոսքով՝ համալիր միջոցառումների նպատակն էր որոշել Ստեփանակերտ քաղաքի ՔՊ ղեկավար կազմի, ծառայությունների և կազմակերպությունների կողմից քաղաքացիական պաշտպանության խնդիրների իրականացման պատրաստակամության աստիճանը, ստուգել Ստեփանակերտ քաղաքի ՔՊ ինժեներական, ճառագայթային և քիմիական, բժշկական պաշտպանության, տարահանման միջոցառումների կազմակերպման, կազմավորումների պատրաստականության, բնակչության ուսուցման, կառավարման, կապի և ազդարարման համակարգի վիճակները և գնահատել Ստեփանակերտ քաղաքի ՔՊ համակարգի պատրաստականության բերման մի ջոցառումների կատարումը:

«Արմենպրես»-ի հաղորդմամբ՝ ըստ Ա. Հարությունյանի, համալիր գնահատման առանձնահատկությունը կայանում է նրանում, որ Արցախի տարածքում այն իրականացվում է առաջին անգամ` ընդգրկելով միևնույն ժամանակ և կազմակերպությունները և ՔՊ կազմավորումները, և բնակչության պատրաստման համար կառույցները, և տարահանման հավաքակետերը, և բնակչությունը: Ընդ որում, համալիր գնահատմանն ընդգրկվել են` Ստեփանակերտի քաղաքապետարանը, թվով 22 կազմակերպություններ, 17 կազմավորումներ, թվով 63 շենքերի նկուղներ, բոլոր ՏՀԿ-ները, թվով 8 փողոցների շենքերի բնակչությունը:

Քաղաքապետ Սուրեն Գրիգորյանը բարձր է գնահատել համատեղ աշխատանքը, համոզմունք հայտնելով, որ ձեռնարկված միջոցառումներն ավելի կնպաստեն փոխգործակցության զարգացմանը և առկա ներուժի բացահայտմանն ու արդյունավետ օգտագործմանը, քաղաքի քաղաքացիական պաշտպանության համակարգի ամրապնդմանը: