Հունիսի 3-ի աստղագուշակ

Խոյ

Օրվա ընդհանուր մթնոլորտը լավատեսական է: Ձեզ կհաջողվի լիքը գործ կատարել:  Ավելի արդյունավետ կլինի արդեն կայացված որոշումների կյանքի կոչումը:  Խորհուրդ է տրվում առավելագույն օգուտ քաղել ստացված տեղեկատվությունից, հաստատված կապերից: Լավ օրեր են ստացած գիտելիքներն ամրապնդելու համար: Կհաջողվի փարատել մնացած կասկածները: Բեղմնավոր կլինի օտար մշակույթի, այլ համոզմունքներ ունեցող մարդկանց հետ շփումը:

 Ցուլ

Ցուլերի տրամադրությունն այսօր շատ բանով կախված կլինի նախօրեի գործողություններից: Եթե ժամանակն իզուր չեք վատնել, հաղթահարել եք վախը և անհրաժեշտ պահին ճիշտ քայլ եք կատարել, ուրեմն կգերակշռեն դրական էմոցիաները: Իսկ եթե, ամեն դեպքում, չեք հաղթահարել խոչընդոտը, արժե խորհել սեփական անվճռականության շուրջ: Գուցե ձեզ անհրաժեշտ է զբաղվել ֆիզիկական վիճակի լավացմամբ, ինքնագնահատականը բարձրացնելու հոգեբանական կամ հոգևոր պրակտիկայով:

 Երկվորյակ

Երկվորյակների մեծամասնության տրամադրությունը և պահվածքը կախված է ուրիշի կարծիքից: Եթե այն դրական լինի, ապագան վառ գույներով կերևա: Եթե ձեզ չհաջողվի նվաճել ուրիշի վստահությունը և ստանալ հավանությունը, ձեզ այնքան էլ վստահ չեք զգա: Գուցե սկսեք կասկածել ձեր տաղանդներին, կարիերայի կամ գործընկերության հեռանկարներին: Չարժե փորձել տարհամոզել մարդկանց, եթե արդեն արտահայտել են իրենց դիրքորոշումը: Ավելի լավ է  ընդունել քննադատությունը և խորհել սխալների շուրջ:

 Խեցգետին

Խեցգետինների ձեռքբերումներն այսօր կախված են ինքնազգացողությունից: Վերջին տեղում, իր հերթին, կազդի հոգեկան վիճակը: Շատերի համար կարևոր կլինի իրենց մասնագիտության հոգևոր բաղադրիչը: Եթե ձեր պարտականությունները չեն հակասում ձեր համոզմունքներին, աշխատանքից հաճույք կստանաք, կցանկանաք օգնել նաև ուրիշներին: Հակառակ դեպքում` բացառված չէ ներքին հակասությունն այն բաների միջև, ինչը ճիշտ եք համարում և ինչը պարտավոր եք անել:

 Առյուծ

Առյուծներին սպասվում է ազատության և լավ տրամադրության ևս մեկ օր: Այսօր կարելի է չպահպանել կոշտ շրջանակները և խիստ կանոնները:  Աշխատանքում նախընտրելի է նախապատվությունը տալ ոչ թե առօրեական, այլ ստեղծագործական բաղադրիչին: Անձնական հարաբերություններում կսրվի ռոմանտիկ թեքումը: Կարևոր պահ կլինի հայացքների, ստացած դաստիարակության և կրթության, հոգևոր արժեքների նմանությունը: Բացառված չէ սիրելի անձնավորությանն իդեալականացնելու ձգտումը:

 Կույս

Օրվա մթնոլորտը Կույսերին օգնում է հաղթահարել անվստահությունը, համոզվել իրենց գաղափարների, ծրագրերի, մտադրությունների ճշմարտացիության մեջ: Սեփական հետաքրքրություններից բարձր կարող են լինել ընտանիքի, կոլեկտիվի հետաքրքրությունները: Տրամադրությունը լավ կլինի, եթե կարողանաք ուրախանալ ոչ միայն սեփական, այլև ընկերների, մտերիմների հաջողություններով: Չնայած ընկերական մթնոլորտին` ձեզ համար կարևոր հարաբերություններում կարող են պահպանվել անըբռնելիության տարրեր: Հարգարժան մարդկանց ճիշտ կանեք զատել նրանցից, ովքեր արժանի չեն վստահության: Կարևոր գործերն արե՛ք առավոտյան:

 Կշեռք

Կշեռքներն օրը հիանալի կանցկացնեն և հավելյալ էներգիա կստանան: Օրը նպաստում է ինտելեկտուալ գործունեությանը: Չարժե երկար գտնվել փակ տարածքներում, եթե հնարավորություն ունեք մաքուր օդին լինելու: Օրը հարմար է ուղևորությունների, զբոսանքի, էքսկուրսիաների, տարբեր միջոցառումների մասնակցելու համար: Ակտուալ են հեղինակավոր մարդկանց, ինչպես նաև արտերկրից եկած հայրենակիցների կամ արտասահմանցիների հետ շփումները:

 Կարիճ

Կարիճները կարող են հաջող գնում կատարել, շռայլ փոխհատուցում կամ այլ օգուտ ստանալ: Բացառված չէ, որ դա երախտագիտություն լինի ձեր արած բարության համար: Կարող է եկամուտ բերել ստեղծագործական գաղափարը, ֆինանսական ներդրումը, խոշոր գործարքը: Ծնողները օգնություն կամ բարոյական աջակցություն կստանան երեխաներից: Սակայն կարող եք ստանալ ոչ այնքան այն, ինչին սպասում էիք: Ամեն դեպքում, բախտի շոնրհներն անհրաժեշտ է երախտիքով ընդունել: Հնարավոր է, որ ձեր հաջողության չափերը գնահատեք ավելի ուշ:

 Աղեղնավոր

Աղեղնավորները կարող են համարձակ գործել` համաձայն իրենց համոզմունքների: Հաջողությունն այսօր ձեր կողմից է: Դուք ձեզ լիակատար երջանիկ կզգաք, եթե ձեր իդեալները, մտքերը և գործողությունները ներդաշնակ լինեն: Օրը հարմար է դատական կամ այլ վարույթների համար, վճիռը կկայացվի ձեր օգտին: Չնայած արտաքին հաջողությանը` շատ Աղեղնավորներ իրենց այնքան էլ ինքնավստահ չեն զգա: Դրա պատճառը կարող է լինել բնակարանի, առողջության, կարգավիճակի հետ կապված անորոշությունը:

 Այծեղջյուր

Օրվա իրադարձությունները լիցքավորում են լավատեսությամբ, հույս են ներշնչում ավելի լավի նկատմամբ, սակայն դժվար կլինի ամբողջությամբ վերացնել անկոչ կասկածները: Չարժե ծրագրավորել ձեզ պարտության: Եթե կարծում եք, որ լավագույն բաները պատահում են ոչ թե ձեզ, այլ ուրիշներին, փակում եք հաջորդ հաղթանակի ճանապարհը: Եթե իրավիճակն անբարեհաջող է, լավատեսություն կարելի է փնտրել ոչ թե արտաքին աշխարհում, այլ ձեր ներսում: Ձեզ կարող է ոգևորել նաև ուրիշի հաջողությունը:

 Ջրհոս

Կան բոլոր պայմանները հակասությունները վերացնելու և առաջընթացի համար: Մրցակցության մեջ կհաղթի ընկերությունը կամ կփայլատակի ճշմարտությունը: Տարակուսանք առաջացնող հարցերն արժե ժամանակավորապես հետաձգել: Լավ օր է սպասվում այն Ջրհոսներին, ովքեր իրենց շրջապատի ոչ պաշտոնական առաջնորդն են: Աստղերը խորհուրդ են տալիս ոչ թե վշտանալ, այլ ուրախանալ գաղափարական մրցակիցների առկայությունից: Որքան ազդեցիկ է ընդդիմությունը, այնքան ավելի բարձր է ձեր սեփական վարկանիշը և մեծ է համախոհների շարքերի համալրման հավանականությունը:

 Ձկներ

Ձկների տրամադրությունը կարող է անկայուն լինել, իսկ իրադրության և դրանում սեփական դերի գնահատումը` ոչ այնքան օբյեկտիվ: Շատերին իրենց դրությունը կարող է երերուն թվալ, իսկ հետագա հեռանկարները` կասկածելի: Եթե հաջողության էյֆորիան ընդմիջվում է տատանումներով և կասկածներով, չարժե արհամարհել այդ ազդանշանները, ավելի լավ է գտնել անվստահության թաքնված պատճառը և աշխատել դրա վրա: Հնարավոր է, որ գործում եք ի հեճուկս ձեր բնույթի և գնում եք փոխզիջումների, ինչը ձեր սրտով չէ: