Բնակարաններից գողություններ կատարող 36-ամյա Արմինեին վերջապես հայտնաբերել են

2015 դեկտեմբերի 19-ին, ժամը 14-ին, ոստիկանության Երեւան քաղաքի վարչության օպերատիվ կառավարման կենտրոնից Շենգավիթի բաժնում հաղորդում էր ստացվել, որ իրենց է զանգահարել 43-ամյա Աննա Հ.-ն եւ հայտնել, որ մտել են իրենց տուն, գողացել պայուսակը, որի մեջ եղել է բջջային 2 հեռախոս եւ անձնագիր:

Ոստիկանության մամուլի ծառայությունից հայտնում են, որ ոստիկանության Շենգավիթի բաժնի եւ քննչական բաժնի ծառայողների ձեռնարկած օպերատիվ-հետախուզական եւ քննչական միջոցառումների շնորհիվ՝ փետրվարի 23-ին, գողություն կատարելու կասկածանքով, Արտաշատ քաղաքի Օգոստոսի 23-ի փողոցից բերման է ենթարկվել 36-ամյա Արմինե Հ.-ն, իսկ Արարատի մարզի Մրգավան գյուղից` 27-ամյա Արսեն Օ.-ն եւ 38-ամյա Արման Բ.-ն:

Արմինե Հ.-ն խոստովանել է, որ գողությունը կատարել է ինքը:

Գողոնն առգրավված է:

Արմինե Հ.-ն ձերբակալված է:

***

Հունվարի 8-ին, ժամը 20.30-ին, ոստիկանության Շենգավիթի բաժին էր դիմել 1967 թ. ծնված Հովհաննես Հ.-ն եւ հայտնել, որ իրենց տնից անհայտ պայմաններում անհետացել է դստեր պայուսակը, որի մեջ եղել է լուսանկարչական ապարատ, պլանշետ եւ գումար:

Ձեռնարկված օպերատիվ-հետախուզական եւ քննչական միջոցառումների շնորհիվ պարզվել է, որ գողությունը կատարել է մեկ այլ գողություն կատարելու համար բերման ենթարկված, 36-ամյա Արմինե Հ.-ն:

***

Փետրվարի 15-ին, ժամը 17-ին, ոստիկանության Շենգավիթի բաժին էր դիմել 20-ամյա Լիլիթ Հ.-ն եւ հաղորդում տվել, որ Գարեգին Նժդեհի փողոցի 29 շենքի բնակարաններից մեկից, իրեն անհայտ պայմաններում, գողացել են իր պայուսակը, որի մեջ եղել է ֆոտոխցիկ, բջջային հեռախոս, նույնականացման քարտ եւ այլ փաստաթղթեր:

Ձեռնարկված օպերատիվ-հետախուզական եւ քննչական միջոցառումների շնորհիվ պարզվել է, որ գողությունը կատարել է նույն ինքը՝ Արմինե Հ.-ն:

Կատարվում է քննություն: