Նոյեմբերի 9-ին առաջին քարը կդնենք ազգային հեղափոխության․ «Մարտական Եղբայրությունը» կոչ է անում միանալ հավաքին
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Նոյեմբերի 9-ի Հռչակագիրը մերօրյա ռուս-թուրքական դաշինքի արձանագրումն է, որը չբերեց և չէր կարող բերել խաղաղություն մեր ժողովորդին: Հակառակը, եթե չգիտակցենք, որ Հայաստանի դեմ պատերազմը շարունակվում է, և դրված է մեր երկրի անկախության հարցը, ապա նոր նոյեմբերի 9-երի հնարավորությունը, ցավոք, շատ հեռու ապագայում չէ»,- MediaHub-ի հետ զրույցում ասաց «Մարտական Եղբայրություն» միաբանության անդամ, Արցախի ԱԺ պատգամավոր Արամայիս Աղաբեկյանը:
Միաբանությունը նոյեմբերի 9-ին ժամը 17:30-ին կազմակերպում է հավաք և երթ: Այս առթիվ տարածված հաղորդագրության մեջ հանրությանը տեղեկացնում են, որ հավաքի վայրը Գ. Նժդեհի արձանի հարակից տարածքն է։ Կլինեն կարճ ելույթներ, որից հետո հավաքի մասնակիցները երթով կշարժվեն դեպի Հյուսիսային պողոտա, որի վերջնամասում սիմվոլիկ կերպով ոչնչացվելու է նոյեմբերի 9-ի փաստաթղթի պատճենը:
«2020 թվականի նոյեմբերի 9-ին մեզ խաբեցին, դուրս բերեցին պայքարից, մեջքից հարվածեցին` խոստանալով խաղաղություն և անվտանգություն: Արդյունքում չստացանք խաղաղություն և կորցրեցինք Արցախն ու Հայաստանի այլ տարածքներ: Այսօր էլ նոյեմբերի 9-ի հայտարարությունը սպառնում է մեզ պատերազմով` Սյունիքի ուղղությամբ»,- ընդգծեց մեր զրուցակիցը՝ կոչ անելով հանրությանը միանալ «Մարտական Եղբայրություն» միաբանության երթին:
«Այդ օրը միասին առաջին քարը կդնենք ազգային հեղափոխության»,- հավելեց Աղաբեկյանը:
Հունան Թադևոսյան
Հետևեք մեզ՝ այստեղ
1
2
3
4
5
1
2
3
4
5
2
