«Ինձ դարձրին գաղութի փոշի». Վարդգես Գասպարին ազատության մեջ է
Հասարակություն
Երեւանի Շենգավիթ համայնքի ընդհանուր իրավասության դատարանն այսօր՝ փետրվարի 26-ին, հրապարակեց քաղաքացիական ակտիվիստ Վարդգես Գասպարիին ազատ արձակելու մասին Վերաքննիչ դատարանի որոշումը, նա այժմ ազատության մեջ է:
NEWS.am-ի թղթակիցը հաղորդում է, որ դատական նիստի ընդմիջմանը Վարդգես Գասպարին ողջագուրվեց դատարան եկած իրեն սատարողների եւ կնոջ հետ, լրագրողների հարցերին, սակայն, հրաժարվեց պատասխանել, միայն ասաց. «Ինձ դարձրին գաղութի փոշի» եւ որ ֆիզիկական խնդիրներ չունի, պարզապես հոգեբանական հոգնածություն է զգում:
Նշենք, որ Գասպարին «Նուբարաշեն» ՔԿՀ-ից կալանավորի կարգավիճակով էր տեղափոխվել Շենգավիթի դատարան, քանի որ նրա նկատմամբ խափանման միջոց ընտրված կալանավորումը փոխելու մասին Վերաքննիչ դատարանի որոշումը փաստաբանները չէին ստացել եւ ՔԿՀ չէին ներկայացրել:
Գասպարիին սատարող եկածները իրենց հետ բերել են «Հայաստանի դատավորներն անարժանապատիվ եւ անինքնասեր են», «Ոստիկաններ եւ ձեր ներկայացուցիչներ, դուք հանցագործ սրիկաներ եք» գրությամբ պաստառներ:
Հիշեցնենք, որ Վարդգես Գասպարին փետրվարի 19-ին Շենգավիթ վարչական շրջանի ընդհանուր իրավասության դատարանի որոշմամբ կալանավորվել է:
Նա մեղադրվում է վարչական գործով նշանակված դատական նիստի ժամանակ դատավարությանը մասնակցող ոստիկանության ներկայացուցիչների եւ դատական նիստը նախագահող դատավորի հասցեին վիրավորական արտահայտություններ հնչեցնելու մեջ:
1
2
3
4
5
1
2
3
4
5
1
2
3
4
5
