Ռուսաստանը ստիպված կլինի համապատասխան արձագանք տալ՝ Ուկրաինային ՌԴ խորքը հարվածելու թույտվության դեպքում․ Պուտին
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Նախագահ Վլադիմիր Պուտինը հայտարարել է, որ Ռուսաստանը ստիպված կլինի «համապատասխան կերպով արձագանքել», եթե Ուկրաինային թույլ տան արևմտյան հեռահար զինատեսակներով հարվածել ՌԴ տարածքի խորքերը, գրում է «Коммерсантъ»-ը։
Միաժամանակ, ըստ ՌԴ նախագահի, պատասխան գործողությունների մանրամասների մասին խոսելը դեռ վաղ է։ Նա ընդգծել է, որ ՌԴ ՊՆ-ն պատասխանների տարբերակներ է առաջարկելու։
«Մոսկվա։ Կրեմլ։ Պուտին» ծրագրի հաղորդավար Պավել Զարուբինը Ռուսաստանի նախագահին հարցրել է, թե արդյոք Արևմուտքը լսել է նրա ազդանշանը, որ հեռահար զենքով հարվածելու թույլտվությունը կնշանակի ՆԱՏՕ-ի երկրների անմիջական մասնակցություն ռուս-ուկրաինական հակամարտությանը:
«Նրանք ինձ ոչինչ չեն ասել այդ մասին, բայց հուսով եմ, որ լսել են: Որովհետև, իհարկե, մենք նույնպես պետք է որոշ որոշումներ կայացնենք մեզ համար»,- պատասխանել է Պուտինը։
Նա հիշեցրել է, որ սրա առիթով իր նախորդ հայտարարության մեջ խոսել է ուկրաինական բանակի կողմից նման զենք օգտագործելու անկարողության մասին։
Ըստ Պուտինի, դրա համար նրանց անհրաժեշտ են Եվրամիության ու ԱՄՆ-ի հետախուզական տվյալները, ինչպես նաև ՆԱՏՕ-ի երկրների մասնագետների օգնությունը։
ՌԴ նախագահը Ռուսաստանի տարածքների խորքերը հարվածելու համար հեռահար հրթիռների կիրառման Ուկրաինայի զինված ուժերի թույլտվությունը կապել է սեպտեմբերի 12-ի հակամարտությանը ՆԱՏՕ-ի երկրների անմիջական մասնակցության հետ։
Հայտարարությունն արվել է ԱՄՆ-ի և Մեծ Բրիտանիայի միջև այս հարցի շուրջ քննարկումների ֆոնին։ Որոշում դեռ չի կայացվել։
1
2
3
4
5
1
2
3
5
1
2
3
4
5
