Թուրքիայում բանտարկված Սևան Նիշանյանը դուրս կգա մենախցից

Պոլսահայ ազատազրկված մտավորական, լեզվաբան Սևան Նիշանյանին մենախցում պահելու մասին որոշումը չեղյալ է համարվել: Ինչպես հաղորդում է «Արմենպրես»-ը, այս մասին տեղեկացնում է թուրքական Demokrathaber.net-ը:

Դատարանը բավարարել է Նիշանյանի ներկայացրած բողոքը՝ որոշում կայացնելով հանել կարգապահական տույժը, որը նշանակվել էր մտավորականի կողմից բանտում արգելված համացանցի մոդեմ և պայթուցիկ նյութ պահելու հիմնավորմամբ:

Միաժամանակ նշվում է, թե պոլսահայ մտավորականը բանտում որպես կաշառք 10 հազար թուրքական լիրա և ավտոմեքենա է առաջարկել: Ի պատասխան նման մեղադրանքի՝ նիստին համացանցի միջոցով միացած Նիշանյանն ասել է, որ ավտոմեքենա չունի էլ, որ կարողանա որպես կաշառք առաջարկել: Դատարանը վճռել է կաշառքի հարցով որոշումը հայտնել մյուս դատական նիստին, որը կկայանա մարտի 3-ին:

2016 թվականի հունվարին լեզվաբանը Սուլթանհիսարի բաց ռեժիմի բանտից, որտեղ պատիժը կրում էր 2015 թվականիսեպտեմբերի 24-ից ի վեր, տեղափոխվել էր նույն բանտի փակ ռեժիմի հատված: Բանտի տնօրինությունը որոշումը պայմանավորելէր նրանով, թե մտավորականը խախտել է բանտի կանոնները: Ավելի ուշ Նիշանյանի փաստաբանը տեղեկացրել էր, որ իրպաշտպանյալին տեղափոխել են մենախուց: Ընդ որ ում, այդտեղ անցկացված օրերի քանակով Նիշանյանի ազատազրկմանժամկետը երկարաձգվելու է:

2014 թվականի հունվարից 11 տարի ժամկետով ազատազրկման մեջ գտնվող Սևան Նիշանյանը Թուրքիայում ձերբակալվել է այնբանի համար, որ օրինականորեն իրեն պատկանող տարածքում «ապօրինի» շինարարություն է կատարել:

Թուրքական մամուլն ավելի վաղ հայտնել է, որ Սևան Նիշանյանի ձերբակալությունը իշխանությունների սարքած գործն է, քանի որմտավորականը բազմիցս հանդես էր եկել թուրքական կառավարության սխալների հրապարակային քննադատությամբ: Նա նաևԹուրքիայում մշտապես բարձրաձայնել է Հայոց ցեղասպանության իրողության մասին: