Զոհերի թիվը հասել է 2255-ի, 10 հազարից ավելի վիրավոր կա, 1,2 մլն գաղթական․ ի՞նչ իրավիճակ է Լիբանանում
Ուշադրության կենտրոնումՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մերձավոր Արևելքում իրավիճակը շարունակում է մնալ լարված։ Բեյրութում ապրող մեր հայրենակիցների խոսքով՝ պատերազմն օրեցօր փոխում է կանոնները` ընդլայնելով աշխարհագրությունը։ Բեյրութի հարավային արվարձաններից ժամանակ առ ժամանակ հրթիռները հայտնվում են նաև քաղաքի կենտրոնում։
Պատերազմի առաջին օրից հաշված՝ զոհերի թիվը հասել է 2255-ի, կան տաս հազարից ավելի վիրավորներ, ավելի քան 1,2 մլն գաղթական։
«Պատերազմի առաջին օրերին մենք հայտարարում էինք, որ Իսրայելը հիմնականում ռմբակոծում է Բեյրութի հարավային շրջանները։ Դժբախտաբար, անցած օրերի ընթացքում 3 անգամ հարվածներ են հասցվել նաև կենտրոնական շրջաններին։ Այսինքն, ոչ մի տեղ այլևս ապահով չէ»,- MediaHub-ի հետ զրույցում ասաց լրագրող Փաթիլ Մկրտչյանը։
Լիբանանը քաղաքական հայտարարություններով փորձում է հասնել հրադադարի։ Պաշտոնական հաղորդագրությունները հաջորդում են մեկը մյուսին։ Կրակի դադարի մասին, սակայն, ոչ մի դրական տեղաշարժ։
«Լիբանանի վարչապետի պաշտոնակատարը, արտաքին գործերի և պաշտպանության նախարարությունները պարբերաբար հայտարարություններ են տարածում, որ Լիբանանը չի ձգտում պատերազմի, այլ հակառակը, փորձում է ժամ առաջ վերջակետ դնել այս անմարդկային գործողություններին, որից մեծապես տուժում է խաղաղ բնակչությունը։ Անգամ թիրախավորվում են հիվանդատար մեքենաներն ու բուժհաստատությունները։ Պատերազմի կանոններից դուրս՝ անմարդկային շատ գործողություններ են կատարվում»,- ընդգծեց մեր զրուցակիցը։
Ներքին տեղահանվածների կարիքները հոգալու համար պատերազմող Լիբանանը տարբեր երկրներից մարդասիրական տարբեր օժանդակություն է ստանում։ Սակայն լիբանանցիները շունչները պահած սպասում են ԱՄՆ գործուն քայլերին։
«Բլինքենը հայտարարել է, որ դիվանագիտական ճանապարհով հարցը լուծելու ձգտում կա։ Այս պահին ամենակարևոր քայլը կլինի հրադադարը»,- հավելեց մեր զրուցակիցը։
Հունան Թադևոսյան
1
2
3
4
5
1
2
3
4
1
2
4
5
