Հայֆայում իրավիճակն օրեցօր սարսափելի է դառնում. հայ է վիրավորվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Հըզբբոլլահի» և Իսրայելի միջև ահագնացող պատերազմը նոր թափ է ստանում. վերջին օրերին հատկապես խոշոր ռմբահարումների թիրախ է դարձել Իսրայելի հյուսիսում գտնվող Հայֆա քաղաքը, որտեղ շուրջ 1500 հայ է ապրում:
Պարբերական հարձակումների պատճառով հայտարարված օդային ամենօրյա տագնապները ստիպում են մեր հայրենակիցներին պատսպարվել բնակելի շենքերի համեմատաբար ապահով թաքստոցներում և ռմբապաստաններում:

«Իսրայելի ռմբահարվող հյուսիսային շրջաններում ընդհանուր առմամբ 3000 հայ է ապրում, կոնկրետ Հայֆայում՝ 1500: Իսկապես, վերջին օրերին Հայֆայում իրավիճակն օրեցօր ծանրանում է, քանի որ այնտեղ ռազմաբազաններ կան և «Հըզբոլլահ»-ը փորձում է հարվածել դրանց: 

Ավելի են հաճախակիացել հրթիռահարումները, ամեն օր ավելի քան 100 հրթիռ ու ԱԹՍ-է արձակվում քաղաքի ուղղությամբ: Ցավոք, այս պահին ունենք սեպտեմբերի 6-ի հրթիռակոծության հետևանքով հայ վիրավոր՝ 46-ամյա Դավիթ Միրզոյանը»,-«Հրապարակի» հետ զրույցում մանրամասնեց «Իսրայելահայեր» թերթի գլխավոր խմբագիր Արտյոմ Չերնամորյանը:

Հարցին, թե այս հոկտեմբերին սրված ռազմական բախումների հետևանքով իսրայելահայության շրջանում, ընդհանուր առմամբ, քա՞նի մարդ է տուժել, մեր զրուցակիցն ասաց, որ առայժմ հայտնի է միայն Դավիթ Միրզոյանի վիրավորման մասին:

Առհասարակ, անցյալ տարվա հոկտեմբերի 7-ից շարունակվող պատերազմը լակմուսի թուղթ է դարձել Իսրայելի հասարակության, այդ թվում՝ հայերի համար: Հանրության մի մասը համերաշխության ու պատերազմ մղող իշխանություններին սատարելու կոչ է անում, մյուս մասը՝ պահանջում է անհապաղ դադարեցնել պատերազմը և հեռացնել պատերազմով իշխանություն պահող վարչապետ Նեթանյահուին և նրա ռեժիմին: 
Դիտարկմանը, արդյո՞ք իսրայելահայերն կառավարության ընդդիմախոսների շարքերում են, Չերմանորյանն ընդգծեց.
«Այո՛, հայերը նույնպես դեմ Նեթանյահուին, որը պատերազմով պահում է սեփական իշխանությունը»:


Առավել մանրամասն` այստեղ.

https://t.me/armenia24live