Նասրալլահի մաhը փոխեց խաղի կանոնները․ աղոթեք Լիբանանի համար
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
«Իսրայելի նպատակը միայն «Հըզբոլլահ» խմբավորման թիրախները վերացնելը չէ, այլ ամբողջ Լիբանանը»,- MediaHub-ի հետ զրույցում ահազանգեց բեյրութցի մեր հայրենակից Գրիգոր-Զոհրապ Ասատուրյանը։
Մերձավոր Արևելքում պատերազմական խորը ճգնաժամ է։ Իսրայելը չի խնայում խաղաղ բնակչությանը։
«Հարյուր հազարավոր մարդիկ լքել են երկիրն ու անցել Սիրիա, նույնքան ներքին տեղահանվածներ ապաստանել են Բեյրութի տարբեր թաղամասերում ու Մաթնի շրջանում։ Բուրջ Համուդի փողոցներում ճամբարներ են բացվել, պետական դպրոցները, եկեղեցուն կից կրթօջախները ծառայում են իբրև ապաստարան։ Սակայն, չի բացառվում, որ Արևելքի ամենախիտ բնակեցված վայրը ևս կհայտնվի Իսրայելի թիրախում։ Մարդկանց մի մասը ծվարել է դաշտերում ու անտառներում։ Այս առումով հայկական համայնքները կանոնակարգված են աշխատում։ Իմ ունեցած տվյալներով, վերջին օրերի ռմբակոծությունից հետո լիբանանյան կողմն ունի 1640 զոհ, 8408 վիրավոր, և սրանք վերջնական թվեր չեն»,- ասաց նա։
Ասատուրյանն ասաց, որ Նեթանյահուի այն հայտարարությունից հետո, որով նա հորդորում էր լիբանանցիներին լքել իրենց բնակավայրերը, ենթադրում է նոր, ավելի թեժ ռմբակոծություն։
«Հասսան Նասրալլահի մահը փոխեց խաղի կանոնները։ Մենք կանգնած ենք լինել-չլինելու ընտրության առաջ։ Աղոթեք Լիբանանի համար, այստեղ ապրող հայերի համար։ Մենք բոլորս մեր հույսը դրել ենք Իրանի վրա, բայց եթե Իրանի տարածքից ռմբակոծվի Իսրայելը, ապա պատերազմը Մերձավոր Արևելքից կտեղափոխվի Արևմտյան Ասիա, չի բացառվում՝ Հարավային Կովկաս»,- ընդգծեց մեր հայրենակիցը։
Հունան Թադևոսյան
1
2
3
4
5
1
2
3
4
5
3
5
