Ձերբակալվել են 29, 24, 28, 20-ամյա երիտասարդներ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օգոստոսի 26-ի ժամը 23.20-ին Երևանի պարեկները ապօրինի թմրամիջոց պահելու և օգտագործելու կասկածանքով Արցախի փողոցում ձերբակալել և ոստիկանության Շենգավիթի բաժին են տեղափոխել 29-ամյա երիտասարդի:

Անձնական խուզարկությամբ նրա մոտ հայտնաբերվել է մարիխուանա թմրամիջոցի նմանվող 1,24 գրամ դեղնականաչավուն զանգված:

Այս մասին հայտնում են ՆԳՆ ոստիկանությունից։

Ժամը 23.45-ին Երևանի պարեկները նույն կասկածանքով Շիրակի փողոցում ձերբակալել և ոստիկանության Չարբախի բաժանմունք են տեղափոխել 24-ամյա երիտասարդի: Անձնական խուզարկությամբ նրա մոտ հայտնաբերվել է շոկո տեսակի թմրամիջոց:

Երկու դեպքով էլ կազմված փաստաթղթերը ներկայացվել են քննչական բաժին:

Երևանի պարեկները օգոստոսի 27-ին Խաղաղ Դոնի փողոցում հայտնաբերել, թմրամիջոց պահելու և օգտագործելու կասկածանքով ձերբակալել և ոստիկանության Էրեբունու բաժին են տարել 28-ամյա երիտասարդի: Խուզարկությամբ նրա մոտ հայտնաբերվել են սպիտակ բյուրեղանման զանգվածով փաթեթ, դեղնականաչավուն զանգվածով երկու փաթեթ և սպիտակ հետքերով կաթուցիչներ: Նա հայտնել է, որ հայտնաբերվածները կրիստալ և մարիխուանա տեսակի թմրամիջոցներ են՝ իր օգտագործման համար:

Նոր Արեշի բնակիչ երիտասարդը և կազմված փաստաթղթերը ներկայացվել են քննչական բաժին:

Նախաձեռնվել է քրեական վարույթ:

Նույն օրը Երևանի պարեկները Մաշտոցի պողոտայում հայտնաբերել, թմրանյութ պահելու և օգտագործելու, ինչպես նաև սառը զենք պահելու և կրելու կասկածանքով ձերբակալել և ոստիկանության Կենտրոնական բաժին են տեղափոխել 20-ամյա երիտասարդի:

Անձնական խուզարկությամբ նրա մոտ հայտնաբերվել են դեղնականաչավուն զանգվածով և մոխրացված հետքերով կաթուցիչներ ու ծալովի դանակներ:

Կազմված փաստաթղթերը փոխանցվել են քննչական բաժին:

Առավել մանրամասն` այստեղ.