Շատ ցավալի է․ երրորդ դասարան պիտի գնար սեպտեմբերին…մահացած 8-ամյա աղջիկն ընտանիքի ավագ երեխան էր․ մանրամասներ` Սևանի ողբերգական վրաերթից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ ողբերգական վրաերթ է տեղի ունեցել Սևան քաղաքում։ 35-ամյա կին վարորդը վրաերթի է ենթարկել 8-ամյա աղջկա և 5-ամյա տղայի։

Oragir.News-ի տեղեկություններով՝ նրանք հարազատ քույր ու եղբայրն են։

Վրաերթի հետևանքով 8-ամյա աղջիկը մահացել է, իսկ 5-ամյա եղբորը տեղափոխել են «Սևան» ԲԿ։

Oragir.News-ի հետ զրույցում «Սևան» ԲԿ-ի փոխտնօրեն Գևորգ Ստեփանյանը նշեց, որ 5-ամյա տղայի վիճակը գնահատվել է բավարար։
«Տղայի վիճակը բավարար է, հետազոտվել է տվյալ պահին, ինչ-որ ախտաբանական փոփոխություններ, վնասվածքներ չեն հայտնաբերվել։ Հսկողության տակ պահելուց հետո արդեն տեղափոխվել է տուն»,- ասաց նա։

Oragir.News-ի հետ զրույցում հարևանները նշեցին, որ մահացած 8-ամյա աղջիկն ընտանիքի ավագ երեխան էր։

«Մահացողն ունի մի քույր ու մի եղբայր։ Հենց եղբայրն է իր հետ վրաերթի ենթարկվել։ Եթե չեմ սխալվում երրորդ դասարան պիտի գնար սեպտեմբերին։ Շատ ցավալի է, չգիտեմ ինչ ասեմ։ Սարսափելի բան է տեղի ունեցել։ Լավ երեխա էր, շնորհքով։ Ակտիվ գնար-գար, բարևեր հարևաններին»,- ասաց նա։

Հարևաններից մեկն էլ նշեց, որ ընտանիքը Սևանում ապրում էր վարձով։

«Ջահել ամուսիններ են, խելոք, աշխատող։ Իրենք այստեղ վարձով են ապրում։ Երեխայի հայրը Սևանի գյուղերից մեկից է, մայրը, եթե չեմ սխալվում՝ Արցախից»,- նշեց նա։

Առավել մանրամասն` այստեղ.

https://t.me/armenia24live