«Զվարթնոց»-ի «VIP» ժամանած «Toyota»-ում հայտնաբերվել է «ՏՏ» ատրճանակ. ձերբակալվածների մեջ է «Շահումյան-գազ»-ի տնօրենը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին


SHAMSHYAN.com-ի տեղեկություններով՝ օգոստոսի 16-ին արտակարգ դեպք է տեղի ունեցել Երևանում։ Ժամը 11։00-ի սահմաններում ՀՀ ներքին գործերի նախարարության ոստիկանության «Զվարթնոց» օդանավակայանի բաժնի քրեական հետախուզության բաժանմունքում օպերատիվ տեղեկություններ են ստացվել, որ նույն օրը «Զվարթնոց» օդանավակայանի ուղևորների բարձրակարգ սպասարկման սրահ (VIP) են ժամանելու մի քանի քաղաքացի՝ գոլդ համարանիշներով ավտոմեքենաներով, որոնց մեջ լինելու է տարբեր տեսակի զենք և զինամթերք:

Ինչպես հայտնում է ֆոտոլրագրող Գագիկ Շամշյանը, ժամը 10։30-ի սահմաններում նշված վայրում նկատվել են նշված ավտոմեքենաները, որոնց ստուգմամբ «Toyota Camry» մակնիշի 04 OQ 444 համարանիշի ավտոմեքենայի դիմացի ուղևորի նստատեղին եղել է ձեռքի պայուսակ, որի մեջ առկա է եղել «ՏՏ» տիպի ատրճանակ՝ լիցքավորված 8 հատ 7.62 մմ տրամաչափի փամփուշտներով, ինչի համար վարորդը և ուղևորը ձերբակալվել և ներկայացվել են ոստիկանության «Զվարթնոց» օդանավակայանի բաժին։

Գ․ Շամշյանի տեղեկություններով՝ ոստիկանությունում պարզվել է, որ այդ քաղաքացիներն են Արարատի մարզի բնակիչներ 42-ամյա Նելսոն Հ․-ն և 33-ամյա Էդգար Գ․-ն։

Գ․ Շամշյանի տեղեկություններով՝ Էդգար Գ․-ն «Շահումյան-գազ» ՍՊԸ-ի տնօրենն է:


Առավել մանրամասն` այստեղ.

https://t.me/armenia24live